★সাত সৗউড় দ অকাক মেতাঃ কানা ? 

                            

᭼হড় ক গচগুর লেনখান উনকুওয়াঃ গচ হড়ম মাড় ঘৗটিতে যে অক্ত ইদিয়াক অনা গচ হড়ম আতে মাড় ঘৗটিতে সৎ মহড়াঃ অক্ত অড়াঃ সৗড়িম সাতে রেনাঃ মিদ চুপুৎ খড় ক অর বচ তরায়া । উন অক্ত রেনাঃ অনা গেক মেতাঃ কানা সাতে সৗউড়ি দ ।

                                     

মাড় ঘৗটি

★ভাঁডান বিনতি ছৗটয়ৗর বিনতি আর কারাম বিনতি করে লাহা চেৎ মেন কাতে বিনতি ক এতহব আ ? 

•ভাঁড়ান রেদ বাবধন ছৗটয়ৗর রেদ সাহেব আর কারাম বিনতি রেদ বাবা হো মেন কাতে দক এতহব আ ।

                                      

ভান্ডন বিনতি

★ বালা-শাকা মেনতে দ অকয় কক উমৗন ঞামঃ আ ?

•বাহু জাঁওয়ায় কিন রেন এঁগাৎ আপাতক মুদরে আকওয়াঃ সৗগৗই দ বালা আর আকিন রেন কাকা-কাকি,মামা-মামি,হাতম কুমৗং নুকুগে শাকা মেনতে দক অৗই কৗঃ আ ।

★বাপ্লা অক্ত রেনাঃ গে অনে “গছা জৗনৗড়ী” আর “গছা খৗজৗড়ী” অকা ক মেতাঃ কানা ? 

•কুড়ি গিদরৗ অনে জাঁওআয়া অড়াঃ ক বিদৗয়ে অক্ত আপাৎ হারিং মিৎ পৗইলা হোড়ো আজিজ কুড়ি গিদরৗ অনে ইতৗ রানু লৗগিৎ-এ কোলায়া । অনা গেক মেতাঃ কানা ” গছা জৗনৗড়ীদ ” । আর উন অক্তগে উনি কুড়ি গিদরৗ রেন গাতে কুড়ি ক উনি দ খৗজড়ী ক গছা গৎ আয়া অনে অনাগে কানা “গছা খৗজৗড়ী “।

                                 

গছা খৗজড়ী

★গৗই ডাংরি অকারে লাহা ক জানাম লেন তাঁহেৎ ? 

•হিহিড়ি-পিপিড় রেনাঃ মড়দা টৗঁডিরে তাঁহে কান কাদাম বুটৗ রেক জানাম লেন তাঁহেৎ । 

                                

★মালা চন্দন দন অকা ক মেতাঃ কানা ? 

•নওয়া দ বাপলা সিরজৗও লাহা রেনাঃ কাথা কানা । জাঁওয়ায় সে বৗহু ঞেল কাতে কুসি কুসৗল হুয় লেনখান বেলমালা আর ডরা হরঃ কাতেউনকু দক চিনহৗ হট কাকওয়া । অনা গেক মেতাঃ আ ” মালা চন্দন ” দ । নওয়া দ আরহঁ “হরঃ চিন ” হঁক লৗইগেয়া । লৗইরে তাঁহেন কানা নওয়া অক্তগে মালা মুদৗম তেহঁ ক হরঃ চিন ক-গেয়া ।

★চৗওরিয়ৗ মেলা দ অকাক মেতাঃ কানা ?

•সরগ্ পুরী তাঁহেন উনকু দেব-দেবালো কওয়াঃ মিৎটাং গালচ আখড়া তাঁহে তাকওয়া । যাঁহারে সরগ পুরী রেন উনকু সানাম বঙ্গা-বুরুক মুজলিস তাঁহেৎ । অনারেনাঃ ঞুতুম গে তাঁহে কানা “চৗওরিয়ৗ মেলা ” দ ।

                                  

চৗওরিয়ৗ মেলা

★ধুড়ি সিঁন্দুর তে ইপিতুৎ দ অকয় কিন মুদরে ঝত খনাঃ লাহাতে হুয়লেনা !

•পিলচু হাড়াম পিলচু বুঢহি তাকিন রেন মারাং কড়া ধুমৗ আর মারাং কুড়ি হিঁসি তাকিনাঃ তিরি জুরি লেকাতে মিলৗও জড়াওয়ঃ রে জয় নগর জর-বাড়ে বুটৗরে (চাঁপাকিয়ৗ) ডাহার রেনাঃ ধুড়ি সিঁদুর অনে বাড়ে সাকাম রে রেৎ কাতে অনাতে উনিধুমৗ দ হিঁসিয় ইতুৎলেদে তাঁহেৎ ।