বাহা পৱব দ খেৱয়াল জাতি কওয়াঃ আকয়াঃ ধৱম লেখা তেদ আডি মাৱাং পৱৰ  কান তাকওয়া । আডি  ৱৌস্কো সালাং তে নওয়া অক্ত দং আকওয়া অনা ধৱম ঠাঁও মেনেৎ দং জাহেৱ থান ৱে আকয়িচ জাহেৱ আয়ো মাৱাং বুৱু,মড়ে ক তুৱুই আ ।

Santali baha parab 2023,jaher gar,baha bonga Credit by EDISOM

গোঁসাড় মাঝি বগাঁ আৱ জাহেৱ থান ৱেনাৱ মিদ  সেৎৱে মেনায় মাতকম বুটৌয় হৱহ আকাৎ গঁসাই ওৱা নুকু বঁগাক মানত কওয়া ।

বাহা চাঁদো ৱে চাঁদোয় মুলু্ঃ লেনখান গে খেৱয়াল জাতি হড় কদ বাহা পৱব ক সিৱজৌও আ। নওয়া ৱেনাঃ অক্ত দ বাহা ৱে চাঁদোয় মুলু্ঃ ওন তায়ম অনা চাঁদোয় পুৱৌও অঃ কুনামৌ মাহা অনা চাঁদো ভিতিৱ ৱেগে হুয় লেনখান ।

উনৱেদ অনা পৱব দ অনা কুনামৌ হিলোঃ সাৱদিয়া । আৱ ইনৌ চাঁদোৱে চাঁদোয় মুলুং এন তায়ম খন কুনামৌ হুয়ুতে এটা চাঁদো পাৱম লেনখান মেনেৎ দ পাতা চাঁদো(চৌথ বগাঁ) ৱেয় বল লেনখান উন ৱেদ চাঁদোয় মেলোঃ এন তায়ম মড়ে মাহা হিলং ক সাৱদিয়া । তায়ম তে মাপাজিক অনা নওয়া মাহা মেনেৎ দ মোলোঃ এন তায়ম মড়ে মাহা হিলং গে সাৱদিয়া  আৱ নাপায় মেনতে ক গটা আকাৎ আ।

বাহা পৱব হুয় পাৱজাং আতো অড়াং ৱেন তিৱলৌ হড় কদ যাহান দাৱে ৱেয়াং গে অকা বাহা হঁগে বহং ৱে বাংক ৱেবেদা অনকাগে আতু অড়াঃ কৱেন সানাম হড় কগে মাতকম ৱাসা বাং ক চেপেজা নাওয়া সানাম ৱেহ যাঁহানাঃ ক একালগে উনকু বাংক জমা ।

আতু হড় নওয়া পৱব ৱেদ পে মাহা ক জহড় ক তাহেনা।

• এতহব মাহা

• দসাৱ সাৱদি মাহা 

•তেসাৱ বাসকে মাহা

নওয়া বাসকে মাহা হিলং গে কড়া হড় সেঁদৱা ক চালা আ আৱ বিৱখন যাঁহানিজ গে মিৎটাং ৱেহঁ চেঁড়ে চিপৱুজ সিল সাৱাম গজ আগুয়েতে  মাঝি অড়াং তেংক সেটেৱেয়া আৱক সামাগ এয়া Santali baha parab2023,

                         Santali Videos

বাডায় ৱে তাঁহেন মা সেঁদৱা কড়া ক-ক সেটেৱ লেনখান গে উনকদ অড়াং বলন লাহা ৱেক জাঁগা দাং কওয়া ।

সেদৱা কড়াক অড়াং বল লেনখান মাঝি বাবা হ আদ মিৎ টুকুচ হাডৌ উনকুয় সুৱ আকওয়া ক য়ু  বাড়া কাতে আদ সানাম আতো হড় কগে অনা বাসকে হিলোৎ দ দাং আতে ক দুপুল এনেজ আ । কড়া কুড়ি জতম কগে ঝপৱ ঝপৱ ক দুপুল এনেচ আ ।

বাহা চাঁদোয় মুলুৎ লেন খান গে আতু ৱিনিচ নায়কে দ অনে আডিয়ানাঃ নেমাচাৱ ৱে তাঁহেন হুয়ুঃ তায়া। যাহানা ছুঁত ক খাতিৱ আতু ৱেনাং বাহা পৱব বাৎ হুয় লেন খান নেডা গটা মাহা তায়ম হঁ উনৱেদ বগাঁ বুৱুদঃ দ গানঃ আং ।

মেনখান নায়কে আদ যাহা আতু কৱে বাহা ক হুয় আকানা অনা কৱেনাঃ দাং ক পাৱজাং একাল গে উনৱেদ আদ বাং এ ঞু দাড়েয়া আ। ছুঁত মেটাও তায়ম আয়াৎ আতু ৱেন বগাঁ বুৱু ক পেৱেচ পাৱজাৎ উনিদ অনকাগে নেমাচাৱ ৱে তাঁহেন হুয়ুঃ তায়া। অনা বেগৱ আতু হড় কহঁ অনে যাঁহাদ লাহা ৱেগে লৌই আকাদা যাহান দাৱে নাড়ি কৱেনাঃ বাহা ক বহঃ ৱে বাং ক ৱেবেদা । অনা কামি বাং পর্যন্ত নাওয়া সাকাম ৱে জম আৱ বাং মাতকম ৱাসা কহঁ একাল গে বাং গানং তাকওয়া ।

বাহা বগাঁ আৱ মাং মড়ে বগাঁ দ মিদ গেয়া,বানাৱ অক্ত ৱেগে উনকু বগাঁ কগেক পেৱেচ কওয়া । বাহা ৱেদ কাটিচ দাঁড়ে কাটিচ দাঁড়ে আৱ মাং মড়ে ৱেদ সেঁড়া ক এম কওয়া । বাহা দ বাহা চাঁদো সেটেৱ লেনখান গে বগাঁ তেগে হুয়ুঃ আ আৱ মাং মড়ে দ সেৱমা ফাৱাক ফাৱাক উনকু বগাঁ অংগে সেঁড়া দাড়ে এম কাতেৎ বধাও ক হুয়ু আ । অকা সেৱমা ক মাঃ মড়েঃ আ উনো সেৱমা দ বাহা ইদি কাতে জাহেৱ থান ৱে নায়কে দ এখেন সুনুম সিঁদুৱ আতে সাৱজম বাহা মাতকম গেলে খঁড় ৱে আড়গো লেখান গেয় গানঃ আ । উন অক্ত ৱেদ দাড়ে আতিঞ দ লাকতি আ মেনখান সুনুম সিঁদুৱ আড়গো অক্ত বগাঁ ক লৌই সাডেয়া ক হুয়ু আ। 

উনকু দিনতে সেঁড়া দাঁড়ে লে এমা আপেয়া। মাঃ মড়ে দ সেঁদৱা চাঁদো (বৌশাখ বগাঁ) ৱেনাঃ কৌনামি খন এতহব কাতে এৱসিৎ চাদোঁ ৱেনাঃ আঁবাবতি হিলঃ হাবিচ ক বগাঁ আ। দিশম মাঃ মড়ে ৱেনাঃ সাৱদি মাহা দ অনা সেঁদৱা চাঁদো ৱেনাঃ কুনামি হিলঃ গে গটা আকাদা । যাঁহান ওটকেঁটড়ে সেটেৱ লেনখান অনাদ অনা আঁবাবতি হিলঃ হাবিচ ক অতৱিয়া বাহা এম কাতে বগাঁ ক বধাও ক গানঃ আ। অনা দক মেতাঃ আ বাহা মাঃ মড়ে ।