Santali bapla siri//Santali dong sereng lyrics//dong sereng

Dong sereng

 উমুক আতো কুড়ি কদ 

সেরেঞ কানা করে রাঃ এৎ লেকা 

আল গোপে রাগা আল গোপে হমরা 

কুহু কুইলী লেকা রাহা পে আড়াগ ।

কুহু কুইলী দ ভোর তেক এঃভেনা 

সেতাঃ রে কামি ক আচুবনা ।

☆☆☆☆☆☆☆☆☆☆☆☆☆☆☆☆☆☆☆☆☆☆

আলে ছাটকা জর বাড় …………

জর আকান জর উমুল রেগে 

জর রেনাঃদ ডৗর হঁ বানুঃ আ , সাকাম হঁ বানুঃ আ 

জর আকান জর দারে হিরলৗ ………।

দারে খন জর আকান অতরে মেশাও আকান ,

জর বাড়ে ঞুতুম তিঙ্গু আকান ।।

☆☆☆☆☆☆☆☆☆☆☆☆☆☆☆☆☆☆☆☆☆☆

সেদায় তাঁকে কানা যুগদ তাঁহেকানা 

কুড়ি হপন সেঁদরা অরুনা বির …।

অরুনা বিররে ঝিঁক দ চিয়াপ চিয়াপ

কাকড়া রগস তেক চাটো লেনদ ….।

ঞাম লেদেয়াক বায়ার কাপিল গৗইদ 

তুঞ কেদেয়াক চুপি রেগে ………গ 

কাশকম তুলৗম ইতিল মেন্তে এড়েয়েনক ।।

☆☆☆☆☆☆☆☆☆☆☆☆☆☆☆☆☆☆☆☆☆☆

হর হর তেঞ তাড়াম আকাৎ ….

সামাং হররে রেল গাড়ী পারম চালাঃ …।

কি হঁঞ তুল গদলেদা গাডী হঁ পারম এনা 

হপ পপ রেল গাডী  রুওয়াড় হিজুঃ আনা 

ডাঁঙ্গুওয়া কুড়িঞ কাডহুম এয়া রেলেঞ দিপিল ।।

Dong sereng

☆☆☆☆☆☆☆☆☆☆☆☆☆☆☆☆☆☆☆☆☆☆

ইঞ দঞ তাকোই য়ু লুবুই লুবুই সুতৗম 

ইঞ দঞ তেঞ জং য়ুগো সিল কৗট শাড়ী 

সিল কৗট শাড়ীঞ বাঁদে ইঞ দ চিরগৗল চিরগৗল

সাঁওতা তালা রেনাঃ মৗন মৗহিমান 

জিয়ৗড় দহয় গিয়ৗঞ জাতি তালা ।।

☆☆☆☆☆☆☆☆☆☆☆☆☆☆☆☆☆☆☆☆☆☆

ছামেডা লাতাররে তুমদাঃ টামাক সাডে রিড়িম রিড়িম 

অকয় লেকান রুসিকা টামাক ক রু রু কানা , 

টামাক ক রুরু কানা আডি জালিম 

অকা লেকান কুড়ি এনেচ ক সাব আকান 

সেরেঞ আঁজম হিজুঃ ঞারাঃ ঞারাঃ ।

তিদঞ গুরিচ আকান জাঁগাঞ লসদ আকান 

কামি বাগি কাতেঞ চালাঃ বাং খান …। ।

☆☆☆☆☆☆☆☆☆☆☆☆☆☆☆☆☆☆☆☆☆☆