Santali comedy Shayari //santali                 shayari 2023   চাকরী কড়া 

চাকরী কড়া

 বেকার জীয়ন তাঁহেকানা নাপায় তাঁহেকানা 

অক্ত নাপিত বই সালাঃ সৗগৗই তাঁহেকানা 

চাকরী জীয়নরে বলকাতে আডি ঝকমারি 

লৗগগে খালি তঁগেঃ কানা লেতাড় উপড়ৗপারি

আতো খনাঃ সাগিঞ কাতে বাজাররে গিরৗবাসি

পারিস খালি উপরুমতে ইঞদ আদিবাসী 

হড়তেমা বাচুঞ রড় বানুঃ কতিঞ হড় গাতে 

আয়ু বাবা ছাডা কাতে মিনৗঞা জুরি সাঁওতে ।

গিদৗর তিঞ মা বাক খজঃ আতো দিশম চালাঃ 

বাহা সহরায় লাকচাররে একাল বাক মেশাঃ 

সান্তাড়াঃ ধরম করম অকাহঁ বাংক বাডায় 

পেড়া লৗড়হৗ হড়ক সাংমা দিকুতেক রড় লাহায়

চেতান চেতান হড়ঠেনদ উদুগঃ অৗঞ সান্তাড় 

এরা তিঞহঁ বাহাল লেকা লৗয়ঃ আয় আডি চাঁড়

যুগ রেনাঃ আরি সে নওয়াদ মানমিয়াঃ আরু 

লৗয়ৗঞ মেশে দিশহুদিশ আমদ মারাং বুরু।

শিখনৗৎ হড় মাক আরুঃ কান হিড়িঞ এদাক সানাম 

সান্তাড়াঃ লাহান্তিরেদ ইনৗগেত জাঁগে দারাম 

আয়ু বাবা জাপাৎ জেরেৎ মেনাঃ কিনা আতোরে 

উনকিন আতে তাঁহেনমা জহড়গে বাজাররে 

ফোন তালাতে যাঁহাতিস করে যুদি গেচঞ রড়

টাকা কাথা লাহাকিন মেন অনামা আর গজড় 

এরা তিঞমা বাচয় খজঃ হানহার হঞহার সেবা

ভাগে বাড়িচ কাথা বরং লৗই আকিনায় আয়ু বাবা

বিয়ল বলয় এরেল কুড়ি হিজুঃ আয় ঘাড়ি ঘাড়ি

তেঞাং তেঞাং হহ কাতে মেনেজায় ঠিক শাড়ি

ইঞ মাত হুঁ দুঁদু ভাগে বাড়িচ বৗঞ বিচৗর 

ইঞ লেকা আয়মাগে চাকরী কড়া আঃ চিতৗর।

আতো অড়াঃ চালাঃ দ বায় অরা মনে জিওয়ী 

নৗইহৗর চালাঃ রেদ একাল ধাওয়া ধাওয়ী

টাকা এমঃ বতরতে হড় সাংমা বৗঞ রড়া 

সাহরাও কাতে অনাতেক মিতৗঞ সাবাস চাকরী কড়া ।।।

Writing by:-Sanjay saren.