Santali dong sereng

Dong Sereng

 টামাক তুমদাঃ সাডে আঞ্জম লেখান দ 

নওয়া মনে জিউয়ী তুলে দহঞা …..।

তিরয়ো বানাম সাডে মনে জিউয়ী আগেনঃ

দুক আকান মনে জিউয়ী লাড়েচ‌ গদঃ….।

এনেচ সেরেঞ দরে রৗস্কৗয় সারসাওআ 

গস আকান মনে জিউয়ী সাগেন রুওয়ৗড় ।।

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

সান্তাড়ি পারসি তেবন রড় কানা 

এনহঁক মেতাঃ তাবন ঠার কানা ।

আবোওয়াঃ পারসি আবোওয়ো চিকি 

দেবন যতন হারায় পারসি চিকি ।

রাঃ রধনরে রৗস্কৗ সুলৗংরে রড় লাঁদারে 

জানাম পারসি বেগর চিকৗম কুশিঃ ।। 

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

অল গুরুগমকে রঘুনাথ মুর্ম্মু 

অলে ওডোক কেদা অলচিকি ।

অনা অল ‘দ‌ আবন দেবন সেঁড়ায়াবন 

যত কতে দেলাং রৗস্কৗ রৗসকী ।

সনা রূপা লেকা অল ‘দ জিড়িদ জাড়াং 

পারসি সাঁওহেদ দরেয় চিরগৗল আনাং ।।

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

Dong Sereng

সেমলেদ কামিয়ৗ কমা পারসি হুলগারিয়ৗ 

কয় কৌটা পুইসৗ দক রুকুকানা 

নেহর কাতেগে আরজ ক দহয়েদা

পারসি উৎনৗউ লাগিদ গেক ককয় কানা ।

এ গাতেঞ দেলা গাতেঞ মিৎ বার টাকাতে 

পারসি উৎনৗউ লাগিদ গড়ঃ আলাং ।।

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

আষাড় যান দিনরে ঝাম ঝমে দাগা 

গাডা মুডু বৗদ‌ বৗইহৗড় চাপে আড়গোন 

রৗস্কৗতে রেটক সেরেঞ আঁদোড়া 

সিঁঙ্গাড় বেড়া দক  আঁদোড়া দহয় ।

আবো হঁচ গো খেত বৗদ কামি রড় 

আষাড় ষান দিনরে হড়োবন রহয় ।।

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

আবোদ সাঙ্গে বয়হা ……

বৗদ বৗউহৗড়রে কামি তাবন ….। 

রেয়াড়গে রড় তাবন হৗড়িয়ৗরগে লাঁদা তাবন 

হড়ম লিকিৎ লিকিৎ কামি তাবন …।।

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

বুরু চেতান সিঞ আড়াঃ লেগেজ লেগেজ 

হারা লাতার মাঠা আড়াঃ দালায় দালায় 

সিদ আলাং গছা য়ালাং গছা পেরেজ 

সবজ সবজ গেলাং ভাজি আড়গোয় ।।