Santali dong sereng song

 দিন গেম মিতৗঞ 

সনা চাতন য়ো কিরিয়ৗঞ মে 

বেড়া রাকাব পিরিল পিররিল ছামেডা লাতার রে সনা চাতম বিটি তেঁগোয়েন দ।

******************************************

নৗমিন মারাং লল সিতং 

অকাতেদ বাবীম সাজাও এনা? 

আলম রাগা নায়ো আলম হমরা 

ইঞ দৗঞ চালাঃ কানা বাহা বানিচ্ 

গেঁদা খৗন্ডৗয়ৗ নায়ো হড়ময় সভায়া 

বাহা এনা আয়ো অড়াঃ সোভাঃ ।

******************************************

হিহিড়ি পিপিড়ি রেবোন জানাম লেন 

খজ-কামান রেবোন খজ লেন 

হারতা রেবোন হালারেন 

সাসাং বেডা রেবোন জৗত এনা হো।

******************************************

সরগপৗরি দাদা মঞ্চপৗরি

গটা দিসম দাদাঞ দাঁড়া কেদা 

জনম গৗদি দাদা বৗঞ ঠিকৗ লেৎ? 

অগম দরয়া চেতান রে 

হাঁস-হাঁসলি চেঁড়ে দ 

সিরম দান্ধী চেতান রেকিন

******************************************

তুকৗ লেং বেলে লেৎ 

অনা বেলে খন বারেয়া 

মানমি কিন জানাম লেন 

কারাম ছায়রা রে কিন উমীল লেন দ 

অঁডে গে তাবন জানাম গৗদি।

******************************************

এয়ায় নৗয় দিসম চাম্পা 

চাম্পা গাড় দ লিলি বিছি 

বাদলী – কয়ডা লিখন গড়হন 

দায়াগে চাম্পা, বাদলী কয়ডা 

দায়াগে গাড় বন বাগৗয়াদা।

******************************************

হাতি চেতান রে সাদম চেতান রে 

ইঞ ঞেঞেল মিরু দারা কান ক

লটা দাঃ রে মিরু জবরাঞ গিডিয়া 

সাগুন দ রে মিরু আল ক ঞাম 

আম ক সার সাগুন ইঞিঞ অসাগুনা 

কাঁড়া হেরমেৎ কাতে দাঃ লোঞ চালাঃ 

ইঞ ক সার সাগুন আমেম অসাগুনা 

দারে রে দেজ কাতে ডৗরেম মাগা।

******************************************

Santali dong sereng song

******************************************

হটঃ রে বেল মালা 

রাড়া কাতিঞ মেরে গলার মালা

আম মাক ইদিয়েৎ মে 

মিৎ বুরু পারম তে 

বার বুরু হানা সাহা তে 

মায়া ছাড়াও মেরে গলার মালা।

******************************************

হপন মৗই এ হারায়েনা নওয়া 

পেড়া ক বলয়েন দ 

মাসে হপন বাবু পাঁজি দ ঞেলমে * 

পীথি দ অটাঃ মে 

তিমিনৗঃ দিন রে সাগুন বাপ্পা?

******************************************

সামানম ছাতা আতো কুলহী মুচৗৎ রে দ 

জুরি কুড়ি কিন হো, একেন ঠিলি পেপেরেচ্ 

পুখরি তে কিন চালাঃ কান হো 

অনা সাগুন ঞেল কাতে নওয়া অড়াঃ রে হো 

আলে বাবালে বলয়েনা হো।

*******************************************

চট রেমা চট চাঁদো, ও হায় 

অত্ রেমা দেবালো মেনাঃ কওয়া 

মড়ে পেড়া দীডুব কাতে 

মারাং বীরু সাক্ষি সভায়ে 

সিং বঙ্গা সিকিড়িয় জড়াও কেৎ।

******************************************

অনলিয়ৗ:-কালিপদ হেম্ব্রম