Santali hul 

Hul Maha , Santali Hul Maha

সান্তাড় হুল 

 সিধু কানহু হুল দৗই না 

লুতুর তিগিঞ আঁজম 

নুথি নুথি দৗই না ঞেল আকাদা ।

সারি বিচৗর হক খৗতির

ইংরেজ রাজ সঁগে ক লৗড়হৗই এদা 

মায়াম তে সান্তাড় পারগানা 

দৗই ক গাবান কেদা রে ।

ইংরেজ সাহেব কওয়াঃ বেবাড়িজ নাহাচার কচলন আর সুডি মাহাজন কওয়াঃ রডজ তে হড় হপন ক আডি ক লহজর চাবায়েনা । মুচৗদ রে ইংরেজ সাহেব কওয়া নাহাচার বাং সাহাঃ কান খাতির হড় হপন ক রাগি চাবায়েনা আর আয়মা জায়গা করে আয়মা লেকান গালমারাও ক হোয় এনা ।আর ইংরেজ সাহেব ক আকওয়াঃ নওয়া সোনা দিশম রেনাঃ মৗন মহত বাঞ্চাও দহয় হোয়োঃ খান বাংমা নুকু ইংরেজ দ লাগা ডিগলৗও তেগে হোয়োঃ আ । আদিবাসী সান্তাড় ক অনাতে আডি জায়গারে আডি ক হুল বাড়া কেদা ইংরেজ সাহেবঃ বিরুদরে । যে লেকা পাহিল দ বাবা তিলকৗ মাঝি হুল দসার দ ছোটনাগপুর রে বিরসা মুন্ডা হুল ইনৗ তায়ম ঝত খন মারাং আঃ হুল দ হোয় লেনা সান্তাল পারগানা ভগনাডিহিরে । হুল দকিন এহব লেদা বির বান্টি সিধু আর কানহু । সিধু কানহু চাঁদ ভৈয়রব তে জাঁহা হুল হোয় লেনা অনা দ “সান্তাড় হুল” মেন্তে ছৗটয়ৗর লেনা । বাংমা হুল তায়ম ক বাড়ায় লেদা ইংরেজ সাহেব ক যে সান্তাড় জৗত দ আডি সুবুদিয়ৗ আডি আডি সেড়া মনেয়ান হড় কানা ক । এনহঁ ইংরেজ সরকার দ জুমিদার মহাজন পুলিশ দারোগা কওয়াঃ কচলন আর ধিকৗও খিজলৗও তাওয়াঃ এনতেক হুল লেদা বাংমা ।

আর রাঁগাও তে উপরবাঁধ রেনাঃ অড়াঃ দুওয়ৗর দ হাতি তেক ধাংলা ধস রাপুদ কেদা জেরেদ পুটুর কেদা আর পুরুব নাখা সেনাঃ পুনয়া মঁড়ে গটেন হড় আতো কামান গুলি তেক জেরেদ পুটুর  কেদা । তিনৗঃ চ অড়া দুওয়ৗর ক রাপুদ কেদা আর তিনৗঃ হড় চক ঠু গজ কেদ ক হিসৗব বানুঃ আন । তবে নেতার হঁ অনা ক  ডি-ডিডৗ রেয়াঃ চিনহৗ দ মেনাঃ গেয়া মেনখান নিত সান্তাল হড়াঃ গিরৗবাস বানুঃ রেহঁ জাহের থান দ মেনাঃ আকাদা আর আনাক ডি- ডিঁডৗ রে বে সান্তাড় হড় ক গিরৗবাস আকানা আর বাহুড়িয়ৗ হড় হতে তে জাহের থান সারজম দারে সিম ক বঁগা অচয়েদ কওয়া । নেতার দ ইসরিমৗডি মাংরাডি দালাবড় লতাবুসি আর জাবদোহা ঞুতুমতে আতো ক দ বিকৗও মেনাঃ আকাদা । তবে খোদ উপরবাঁধ আতো দ সাহারে মিলৗন কাতেদ বীর দারে গাজাড়তে এসেদ আকানা মেনখান আতো হাসা লাতার আকান রেহঁ “নাগামিয়ৗ ওয়তিহাসিক ” ক খনদরন লেখান সাবুদ দ পাসেজ ক ঞামাক্ষ । চেদাঃ সে বাং “বিংস “সতাবদি “রেনাঃ “সত্তোর দশক ” গান কতে মানদারপুর রেন গুপি গিদরৗ ক আধ সাংলা জখেজতামবা পুয়সৗ ল রঁগ হোড়ো  আর কেলহাদ এমান ক লা ঞাম বাড়া আকাদা অনা ডিঁডৗ করে ।

কানহু সাঁওতে আয়মা হড় ক তল কেৎ কওয়া আর উপরবাঁধ খন মিৎ মাইল গান উত্তর সেদ জায়পু হেসাঃ টাঁডি তেক আগু কেদা কওয়া । হেসাঃ দারে রে মেরম ভিডি লেকা ক তল কায়দা কেৎ কওয়া ।ইংরেজ ক ফুকৗর কেদা “জয় জয় জয় বিরটিশের জয়” নওয়া ঘটনা গে অনা এলাকারে ভেন্তা কাথা লেকাতে উনৗন আকানা ” কাটনারে কাটাকটি জয়পুর জয় । উপরবাঁধা বাঁধি জয়পুরে জয় “।

তল কায়দা ফৗদ ক নাংগার তেক ইদি কেদ কওয়া আর বাছাও কাতেদ বার ঠেন ক ভেগার কেদ কওয়া । মিদ দ হুল মুখিয়ৗ আর হুল আয়ুর ক হঁ দসার ক দ হুলরে গড় সপহদ । হুল মুখিয়ৗ কদ চালান কেদ কওয়া আর গড় সহদ হড় ক দ কৗলদৗ -” কালি দহ “বাঁধ দক্ষিন পড়াঃ রেয়াঃ গাব দারে রেক পাসি গজ কেদ কওয়া । নেতার হঁ অনা গাব দারে দ সারি লেকাতে জিয়িদ মেনাঃ আকাদা আর জিপি আলায় আকাদ হুলগৗরিয়ৗ ক উইহৗর দহ সাঁও সাঁওতে গাব দারে বাঞ্চাও দহ লাগিদ পছিম বাংলা সরকার পাহটা খন দারে দ ইটৗ তেক তল অচ আকাদা । হুলগৗরিয়ৗ কানহু ইংরেজ সিপাহি ক বুনদি কেদেয়া মেনখান চেদ দোস তেক বুন্দি কেদেয়া আর অকা মামলা ক লেদেয়া নওয়া ক গুনি ভাবিতে আসবাসাও চাবায়েনা ক দারোগা মেজর ব্রিগেডিয়ার এমান খন টিয়ৗলদার আর মহাজন কওয়াঃ গড় ক হাতাও কেদা আর কানহু দ মহেসলাল দারোগা গজ ব্রিটিশ রাজ বিরুদ রে কৗই লৗড়হৗই মহাজন গজ আর মিৎ সুঁডহ ড় গজ এমান তেয়াঃ বাকভেংকড় আয়মা মামলা ক লাদেয়াদেয়া । সুঁডি হড় গজ রেয়াঃ আসল হাঁডিয়ে আখরিঞ এদ তাঁহে কানা ।পুয়লা সেদ দ ঠিক দামতে হাঁডিয়ে এমাদ কওয়া হড় হঁক ঞু বুল মাছায়েনা । তায়মতে জখেন হড় হপন আরহঁ হাঁডি ক জুটিজ এদা কানা উন দ ঢির দাম এ কয়েদ কওয়া এনে আদ রড় রপড় ক এহব এনা । বুল হড় ক রাঁগাও এনা হাঁডি দকান খন উনি সুঁডি দক অর উডুক কেদেয়া আর লেবেদ‌ ক এহব এনা । রাঁগাও বুল হড়াঃ আনধোড়ি পৗতৗওড়ি লেবেদ তে সুঁডি দয়ে গজ এনা ।

সিওড়ী কাচাহারিরে বিচৗর এয়ায় মাহা গান চালাও এনা । বিচৗর অক্তে ইংরেজ‌ দ মাহাজন জমিদার এমান সাজাও সাকি ক সেটের লেদ কওয়া আর এড়ে সাখি ক এম কেদা খান হাকিম দ কানহু দুসিয়ে‌ বাহনাও কেদেয়া আর পাসি কাতেদ গজ রেনাঃ এ হুকুম কেদা আরহঁ সাঁও সাঁওতে হুকুম কেদা হুলগৗরিয়ৗ ক হুল ফুকৗরলেদা ক জাঁহা জায়গা খন অঁডে ইদি কাতেদ ক পাসিয়েমা । 

এনে আদ কানহু ভগনাডিহি তে ইদি কাতেদ পাসি গজ রেয়াঃ কুরুমুটু ক এহব কেদা । সিওড়ী খন ভগনাডিহি চালাঃ হর রে তিনৗঃ ইংরেজ ঘাটি তাঁহে কানা সানাম ঘাটি তেক খবর কেদা । নতে কানহু আঃ বানার তিরে মেড়হেদ বাংকি ডাডারে বারাহি তল কাতেদ কিচরিজ তে আভরন কাতেদ সিমরাঃ ঞিদৗ তাড়াম তেক মহডায়েনা ভগনাডিহি ।ইংরেজ সাহেব ক দ সাদমতে আর পালটন কদ তাড়মতে কানহু মেরম লেকা ক তিয়ৗঃ ইদি কেদেয়া ।

১৮৫৬ সাল ২৫ সা জানুয়ারি সেতাঃ বারহেট ইংরেজ ঘাটিতে সেটেরেনা । নতে তিকিন কেদ তে ভগনাডি টাঁডিরে দুরুম দুরুম ইংরেজ ক সেটেরেনা । কানহু পাসিয়ে লাগিদ বাবের ক অজঃ লেঞ্জেরেদা আর সারজম খুন্টি বিদ লাগিৎ লালা ক ছুটৗও আকানা ইনৗ খান গে কানহু হঁক আগু সেটের কেদেয়া । এনে আদ ভগনাডিহি টাঁডিরে সারজম খুন্টিরে কানহু ক পাসি গজ কেদেয়া ।।