Santali kahani //Santali love kahani //Santali romantic kahani 

                     সামোলীয়াঃ জীয়ন কাহিনী

 হ্যেঁ সামোলী গে উনিয়াঃ ঞুতুম দ তাঁহেকান তায়া । হেঁদে হেঁদে খাটো মাছা গেয়ায় । উনি দ জামতাড়া কলেজ রেয় পাড়াঃ কান তাঁহেকানা । উনি রেনদ অকয় গাতে গে বাংতে এসকার গেয় হিজুঃ চালাঃ আ ‌। আর ভালা উনি সাঁও দ অকয় গাতেঃ আ ? কাঁথাচ ছিনৗর গেয়ায় । নওয়া ধুড়ি ধারতি রে সামোলীয় জনম এন সাঁওতে গে এঁগাৎ তেৎ দয় হানা পুরী য়েনা । যাঁহা লেকাতে আচ বাবা দয় অৗসুল হারা লেদেয়া । আতো ঞুতুম দ রূপৗডিহ গে তাঁহেকানা । সামোলী যখেন গে পে বছর রেন এ তাঁহেকান উন যখেন রেগে আচ বাবা দ খেত রেয় সিয়োঃ কান তাঁহেকানা , ঝমর দাঃ যখেচ আচকা গে চেটের ঞুরহা দেতেয় হানা পুরী এনা ।

এনহঁ সামোলী দ আচ কাকাৎ কাকীৎ ঠেন মেনায়া ।উনকিন হঁ বাং কিন দুলৗড় আয়া । যা উড়িচ জম ক ঞু ক এমায়া এনকা রেগেচ তেতাং তেগে ঞেরে ঞেরেঃ ভিত পিঁডারে জাপাঃ জেরেৎ মুটুর মুটুর এ কয়ঃ বাড়ায়া । রেঁগেচ তেয় জিলুৎ মিলুৎ বাড়ায়া । গ বাবা আঃ দুলৗড়চেৎ ক মেতাঃ মেনতেদ বায় বাড়ায় লাঃআ এটাঃ গিদরৗ রেন গ-বাবা উনি সাঁও বাং গাতে অচো আকওয়া আকো রেন গিদরৗ । মিৎ দিন অকা রেনচ আকিন গে জুরি পারী অনা রূপৗডিহ আতো তেকিন চালাঃ কান তাঁহেকানা । তাক দ সামোলী কিন ঞেল কেদেয়া দায়াগে উনকিন রেন চেলে গিদরৗ বাংক তাঁহেকানতে সামোলী হাতাও কিন মেন সদর কেদা । খান জালা কটাঃ কান লেকা কিন বুঝৗও কেৎতে কাকাৎ কাকীৎ দ আডি কিন কুসীয়েনা । উসৗরাতে উনি গিদরৗ এমঃ কিন আঙ্গচ গদ কেনা । সামোলী অৗসুল গ বাবাদ আডি গে কিঁষৗড় কিন তাঁহেকানা।দুলৗড় হঁ জনম গিদরৗ খন কম দ বাং কিন দুলৗড়ে কান তাঁহেকানা। অনাতে অলঃ পাড়হাঃ কিন সেঁড়া হচ কেদেয়া । নুনৗঃ কিন চেৎ হচ কেদেয়া যে সামোলী নেতার দ জামতাড়া কলেজ রেয় পাড়হাঃ কানা । আডি বেশ চাল চলন তায় ।চেলে বাড়িচ গিদরৗ সাঁও হঁ বায় গাতেঃ আ । চেলে সাঁও হঁ যাঁহান লাই লেঠারে বায় তাহেনা । এসকার গেয় হিজুঃ চালাঃ আ । 

সামোলী

মিৎ দিন রেয়াঃ কাথা কানা । সামোলী দ ছুটি কাতে এসকার গে ডাহার ডাহার তেয় চালাঃ কান তাঁহেকানা । আঁচকাগে তায়ম সেচখন আড়াং এ আঁজম গৎ কেদা —সামোলী তিঙ্গু লেন মেস্যে ? সামোলী দ উনৗঃ দুলৗড় আড়াং তে হহ আঁজম কাতে তায়ম সেচ এ কয়ঃ গৎ কেদা । ঞেল কেদেয়ায় সঞ্জয় । উনি দ আক সাঁওতে গেয় পাড়াহাঃ আ । সঞ্জয় দ বাড়েডিহ আতো রেন কড়া । দিনৗম গে সাইকেল তেয় হিজুঃ চালাঃ আ । যুওয়ৗন সামোলী সঞ্জয় হহরে আডি আপনার লেকায় আটকার কেদা । অনাতেয় তেঁগো এনা আর হেচ তিয়োঃ কেদেতেয় কুকলী গৎ কেদেয়া—- চেৎ সঞ্জয় এম মেন এদা ? সঞ্জয় দ চমকাওঞঃ কাতেয় মেন কেদা—ইয়ৗ সামোলী আডি দিন খন মিৎ কাথা আমঠেন মে মেন সানাঞ কান তাঁহেকানা । মেনখান বৗঞ মেন দাড়েয়াঃ কানা এঁদরে বতরতে । এঁদরে রেনাঃ দ চেৎ কাথা মেনাঃ আ সঞ্জয় ? মা মেনমে চেৎ এম মেন এদা? 

সঞ্জয় সাইকেল কড়া

সামোলী ! আমিঞ দুলৗড়েদ মেয়া । এড়ে এড়েদ বাং মেতাঃ মে সারী সারী গে । সঞ্জয় দ লাহা সেচ এ মেন ইদি কেদা —- সামোলী ! ইঞাঃ অন্তর মনে রেদ  আম গেঞ দুড়ুব আকাৎ মেয়া । ইঞরেন জুরী দ আমগেঞ বাছাও আকাৎ মেয়া । সামোলী দ সঞ্জয়াঃ অনকান কাথা আঁজম কাতে উনি সেচ কয়ঃ কাতেয় হ্যাঁ কেদা । ইনৗ কাতে মিৎ হোটেলরে দুড়ুব কাতে আডি ঘাড়িচ কিন গাপাল মারাও কেদা । সামোলী দ সঞ্জয়ে মেতাদেয়া —-আচ্ছা সঞ্জয় ! ইঞাঃ জিয়ন যথম বাড়ায়া গিতিঞা ? সঞ্জয় এ মেন কেদা –খাঁটী খাঁটী গেঞ বাড়ায়া । অনাতেগে থঞ দুলৗড়েৎ মেয়া । হড়দ সুনুম অজঃ বহঃ রেগে সুনুম ক অজঃ আঃ আ । রুখৗ বহঃ রেদ বাং ?

অনাতে ইঞদ ………….

সঞ্জয় আর সামোলী দুলৗড়

তিস রেহঁ বাং এম বৗগিয়ৗঞা ? সামোলী দ আডি উসৗরায় মেন গদ কেদা বাং তিস হঁ বাং সামোলী ।তবে রাজী গেয়াঞ । ইঞ রেন গ বাবা হঁ নওয়া লাগিৎ যাঁহান আকোট বৗনুঃ তাকিনা সামোলীয় মেন কেদা । অনা হোটেল খন উডুক কাতে সঞ্জয় দয় মেন কেদা —- দেলা দেলা সামোলী মোহিনী বস্ত্রালয় রে মিৎ টেন দুলৗড় চিনহৗ শাড়ীঞ কিরিঞ আমা । অনা বাঁদে কাতে গাপা দ কলেজ তে হিজুঃ মে । ইনৗ হাতাও কাতে কিন আপান আপনি এনা ।গোটা ঞিদা সামোলী দ বায় জাপিৎ দাড়েয়াদা । বিছনৗরে খালি উলৗট পাল্টা বাড়ায়েনায় । সারা দিন সঞ্জয়াঃ কাথাগে দিশৗ হেচ আয় কানা । কুকমু তেয় ঞেল এদা পার্করে দুড়ুব কাতে কিন গালমারাও এদা । কুকমুতে আকিনাঃ বাপ্লা হোয়ঃ কানা । সঞ্জয় দ দৗউড়ৗ চেতানরে বৗই বৗইতে সিঁদুর শাড়ীয় অটাঃ এৎ তায়া আর পে ধাও হরাসী রে সিঁদুর আদেয়ায় আর পুরিয়ৗ সুধৗ মুচৗৎ রেদয় জৎ আদেয়া । অনা সাঁওতে আয়মা হড় হরিবোল মেনতেক হহ গদ কেদা । 

সামোলীয়াঃ কুকমু

খান এ এভেন গদ এনা । আর ঘুরিয়ৗ দ বায় জৗপিত লেদা। দসার হিলোঃ সামোলী দ সঞ্জয় এমাদে তাঁহেকান শাড়ী বাঁদে কাতেদ আডি খারশালাঃ কলেজ তেয় চালাঃ কান তাঁহেন রেগে বাহামুনি সাঁও এ ঞাপাম এনা । বাহামুনি দ সামোলী মেতাদেয়া তেহেঞ মা কলেজ বন্ধগে । চেৎ রেনাঃ সামোলী মেন কেদা । বাম বাড়ায়া? তেহেঞ বাড়েডিহ রেন কড়া সঞ্জয় সাইকেল তেয় হিজুঃ কান তাঁহে কান যখেন মিৎ ট্রাক গাডী তেয় তাপিঞ এনা । বেচারা অডেঁ গেয় ছুটি উতৗরেনা । সামোলীয়া কড়াম ধাক মারাও গৎ এনা আর কিকিয়ৗও আতেয় মেন কেদা —বাং নংকাদ তিস রেঁহ বাং হোয় দাড়েয়াঃ আ ।

নওয়া দ সারী কাথা কান গেয়া । বরচং আমাঃ মেঁৎতেগে ঞেল আগুয়েম । হৗনী সরকারী হাসপাতাল রে গজ হড়ম ক আগু আকাৎ তায়া —বাহামুনিয় লৗইকেদা । সামোলী হাসপাতাল এ চালাও এনা । ঞেল কেদেয়ায় । হিডির হিডির মেঁৎ দাঃ জরয়েন তায়া । হাপে হাপেতে আয়াঃ শাড়ী আনচারতে মেঁৎদাঃ জদ তুলুচ এ  অডোক এনা ।সামাং সেচ চালাঃ তেগে হেনায়া । বুদ্ধি দ চেৎ গে বায় কামীয়েৎ তায়া । অনা অক্তরেগে সিনেমা প্রচার গাডী তেক প্রচার এৎ তাঁহেকানা —–আজ কা  শো মে দেখিয়ে ” নসীব আপনা আপনা ” জিসমে••।সামাং রে সামোলী দ রেলগাড়ী হিজুঃ এয় ঞেল ঞাম কেদা । আর অন্তে গে কিকিয়ৗউ আতেয় দৗড় ইদি কেদা —-” সঞ্জয় ” ! আলম বৗগীয়ৗঞা । দুলৗড়িয়ৗ হিজুঃ কানায় ইঞহঁ আম ঠেনিঞ হিজুঃ কানা সঞ্জয় হাপে তাঁগিঞমে “

অনকা মেন মেন কাতে সামোলী দ রেলগাডী লাহা রেয় দন গৎ কাদা । বেচারী সাঁও সাঁওতে সামোলী দয় বার কুটরৗ গৎ এনা ।

নডেগে কাহিনী দ মুচৗৎ এনা ।

নংকান কাহিনী পাড়াও লাগিৎতে নওয়া wabsite রে হিজুঃ তাবনপে আর follow তাবন পে 

wabsite রেনাঃ ঞুতুম দ কানা :-santalivideos.in

মা তাহলে সানাম ক জহার গে ….

               অনলিয়ৗ:- সুনীল হেমব্রম