Santali Kahani ধূড়ি সিঁদুর part-5

ঞেল ঞেলতেগে ফৗগুন হয় পারম এনা। মারাং বুরু বায় সারেড় লাঃ আ বাহা মৗইয়াঃ সৗগুন সুপৗড়ি। মামা আত‌ো হড়দ লু আর উমুঃ ঘাট দিনৗম ক তুলৗ পৗয়- লৗয়া।

– ঞেল তেমা বগাঁ কুড়ি লেকা। ঞেঞেল মেদ্‌ তুলুজ দ অকয় হঁ অড়াঃ তে জবরা দ বাম খৗড়া। -অলঃ পাড়হাও রেমা অৗডিগেয় লাসেরা মেনখান দৗগি হড়ম ঞেল কাতে গে সানাম পেড়া মাক অ-ইতৗ দঃ কানা।

এমান এমান অৗড়িগে টটসাঃ কাথা হড় দক রড় মাগাল লেদ গেয়া ।

Santali Kahani ধূড়ি সিঁদুর part-5

হেঁ হগন আয়ো। উনৗঃ হৗবিজ বিন সাহাও আকাদ গেয়া। নওয়া অরসংগে ইরিলিঞ তেক বাজাও আক তৗকিনা।’ মিদ বৗহু কুড়িগেয় মেন কেদা  ।

সুগিদয় ত‌েলা দারাম কেদা, আপনারাঃ কাথা দ চালাঃ রেত বৗহু! নওয়া কাথা আঁজম কাতে আর মিদ কুড়ি হপন দয় মেন কেদা হোয় মা। মিদ দিন হিলঃ চাকরিয়‌ ঞেম লেখান চুপুন টাকা দ অৗবিনাঃ ত‌িরেগে । ঞ‌‌েঞ‌‌েল মেদ তুলুজ উনৗঃ মারাং দৗগি বিন হৗর আকাওয়ানা।’ কাথা রেনাং মুচৗদগে বাং আ।

কুড়ি হপনাঃ বিচ‌ৗর আখড়া দাঃ লু ঘাটরে। লুতুর পেরেজ টটসাঃ কাথা আঁজম কাতে সুখি হড়মরে আঁগরা উব আদ‌ে লেকায় অৗয়কৗও কেদা। অড়াঃ সেটের সাঁওতেগে নানা ছিতি বিতিয় রোহেদ জং কানা। বাহা আজ মামা লেধরা দ খৗরৗয় সেদরের তাঁহে কানা। মটা আড়াং তেয় রড় দারাম কেদা ‘অঃ হেঁ অনাতে আপে কুড়ি হপন মা লৗয়চাল কাথাগে ঘাওরে বুলুং এর আকাওয়াদ লেকাপে বুঝৗওআ।’

আমদ চেদ্। গাপা খন দাঃ লু সেনঃ মেত, অনা তায়ম মিতৗঞ মে।”

‘ইঞ দাঃ লু !

সুগিন রৗগিতেয় জুল চাবা আকানা।

—’চেদ্ আদ দিন হিলঃ আম খৗতির কাথাঞ আঁজমা। মেতাম কানৗঞ ইঞাঃ কাথাম আঁজম খান হোয় আর বাংখান আলে অড়াঃ গে ইদি হট কৗঞমে।’ লেধরা হঁ বৗহু আঃ কাথারে তিসহঁ বাড়িজ বাং এ উইহৗর তাঁহেদ। বৗহু কাথাতে তিসহঁ বায় সেনঃ আ অনাতে নাসে হঁ বতর বাং এ অৗইকৗও লেদা। মেন দারাম কেদায় ।

-‘আলম তাঁহেনা। চালাঃমে। ইঞদ আলম মিতৗঞা। আমতে চালাঃ সানায়েদ্ দেয়া চোদ ইদি হট দ?

সুগিয়াঃ মচা হঁ বায় কমা। মেনখান বতর হঁ মেনাঃ গেয়া। এনরেহঁ মেমেন দ নাহ‌াঃ চেকায় বৗগিনা।

Santali Kahani ধূড়ি সিঁদুর part-5

– ‘আমরিন গিদরৗ পিপরৗহাঃ আগাম উইহৗরমে। হড়রিন গিদরৗতেম গিদরৗঃ কানা। হাপে, অৗগু আমায় চুপুদ টাকা, দুড়ুব কাতেম তগজা। নংকান কাথা আজম কাতে লেধরা রৗগি বায় সাম্বড়াও দাড়েয়াদা। সুগি সেদ বেঁগ‌দে কাতে রৗগি আড়াং তেয় মেন কেদা।

– আম ইম সাটাঃ গেয়া, চেদ এম চিন্তৗয়েদা ? নওয়া কাথা ভৗগনিঞাঃ লুতুররে

বাজাও আকান খান, বুগি দ বালাং দহ মেয়া। রামড়া কুস্টৗ লেকা বালাং অধাও আকাদ মেখান। চেন লেকাম উইহৗর কিদিঞা।’

বতর জ্বালাতে বৗড়তি বাং রড় কাতে লিঁবদ কেদে লেকায় থির হৗপিয়েনা! অৗড়িসঃ রেহয় তায়ম মাড়াং উইহৗর অৗচুর কাতে, মুঁ রে বাবের আকাওদে লেকা উদ-বস্তি কৗমিগেয় ছুটাও কঃআ।