Santali kahani

অৗডি দিন লাহা রেয়াঃ কাথা । উন দ দমে  গিদরৗ গিঞ তাঁহে কানা। তবে অনা নেতার হঁ দিশৗ দ মেনাঃ আকাৎ তিঞা । ইঞ বাবা দ আতোরেন মৗঝিয় তাহেঁ কানা । নেতার দ পঞ্চায়েৎ আঃ জালাতে আতোরেন মৗঝি-গোডেৎ আঃ অবস্থা দ সেদায় লেকা দ বানুঃ আকাদা । উন দ আতোরে মৗঝি -গোডেৎ 

আঃ সনমান দ তাঁহে কানা । ঝত হড়গে মৗঝি

গেডেৎ দকো মানাও গুনৗউয়েৎ কো তাঁহে কানা ।দিনৗম বাং রেঁহ অকত অকত অৗয়ুপ আকানা সে মৗঝিআঃ রাচারে আর বাখান‌ পিঁডৗরে দুড়ুপ কাতে আতো দিসম আর সমাজ রেয়াঃ কাথা কো দকো গালমারাও বাড়ায়েৎ তাঁহে ।

অনকাগে মিৎদিন অৗয়ুপ বেড়া আলেয়াঃ তালা 

রাচারে দুড়ুপ কাতে তেরদেচ্ মাসালরে আতো 

মড়ে হড় দেস -দিসম রেনাঃ কাথাকো গালমারাও এৎ তাঁহে কানা । ইঞ বাবা দকো দুড়ুপ তালা আকাদেয়া । দুড়ুপ তালাকায় রেয়াঃ গে কাথা চেদাঃ সে উনি দ মৗঝি কানায় 

ইঞ দ পিঁডৗরে  দুড়ুপ দুড়ুপ ওনকো আঃ কাথা

গিঞ আতেন এৎ কানা । আচকাগে ইঞ বাবা হহ কেদায় হপন ব্যাটা—-নাতে হেচ লেন মে দেলা । 

সোরতেঞ সেন এনা । ইঞ বাবাআঃ ডাঁডারে 

রেবেৎ তাঁহে কান মিৎটাং চটা রেবেৎ খন হাতাও কাতেয় চাল  অৗদিঞ তেয় মেনকেদা–

দো সে নওয়া চটা থাকা অড়াঃ রেয়াঃ চুলহৗ খন ধুরৗও আগুয়ৗঞমে ।

অলঃ পাড়হাও দ আসকেৎ গিঞ বুজ্ আ । মেনখান নংকানাঃ কৗমি দ অৗচু সাঁওসাঁওতিঞ 

আজম গেয়া । চটা সাপ্  কাতেঞ দৗড় সেন এনা দাকা অড়াঃ তে । ইসিন বাসাং সৗতলেন খৗতির তরচ খন আংরা‌ হটর তোর কাতে জাঁহা লেকাতে চটাদুঞ ধরাও কেদা । মেনখান ইঁড়িজঃ বতর তে চটা ঞুঞুতিন হেচ্ এনা । অনা ঞেল কাতে ইঞ বাবা রৗগিতেয় মেনা—চটা ধরাও কাতে অৗগুঞ নেতার মেয়া

আর আমদ চটা ঞুঞুতেম হিজুঃ কানা ।

ইঞাঃ কারবার ঞেলকাতে আর বাবাআঃ কাথা আঁজম কাতে সেটেরলেন ঝত গেকো 

লাঁদা কেদা । চটা ভাগেঠিক অর কাতে ইঞ বাবাঞ চাল আদেয়া । সাঁও সাঁওতেঞ মেন–

চটা ইড়িচ দাড়েয়াঃ আ অনাতে চটা দ ঞুঞুতেঞ হেচ্ এনা। 

ইঞ বাবা ইঞাঃ তেলা আঁজম কাতে রৗগিতে 

আরাঃ পোঁড এ কয়ঃ অৗদিঞা মনে হোয় এনা ।

সেটের লেনখান আতু হড় তাঁহুগে দমে  কো লাঁদা কেদা । গোডেৎ হপনবা ইঞাঃ বুরধি মেনাঃ আ নিয়ৗ বুঝৗও কাতেয় সারহাও কিদিঞা । মেনায় — বঠে বৗবু কড়া গিদরৗ কান 

গেয়াম আমাঃ বুরধি দ মেনাঃ তাম গেয়া । আম 

বাবা দ আতো মৗঝি কানায় আদ দিসম মাঝহমি্ হোয় দাড়েয়াঃ আ ‌।

অনা হিলোঃ গোডেৎ হপনবা আঃ সারহাও আড়াং আঁজম কাতে কড়াম দ দমেগে অসার লেন তিঞ তাঁহে । তবে নিতঃ দুঞ বুঝৗও এদা 

চেদাঃ অনা হিলোঃ ইঞ বাবায়  রৗগিলেন তাঁহে 

ইঞ বাবা অনা হিলোঃ কৗচ লুতুরে পেটের লিঞ 

খান জৗনিচ্ ইঞাঃ দসা দ নংকা বাং হোয়কঃ আ । চেদাঃ সে অনকান বুরধি খৗতিরগে নিতঃ

ইঞ দ দিসম মৗঝি দ বাঞ হোয় দাড়ে কাওদা

ইঞ দ নিতঃ দিসম বৗলটৗ । 

  

জহার গে সানাম ক