Santali karam binti //Santali karam parab

কারাম গঁসাই

খেরওয়াল সান্তাড় সাঁওতারে আডি লেকান বিনতী বাখেড় মেনাঃ আ । যে লেকা জমসিম বিনতী ভাডান বিনতী কারাম বিনতী এমান তেমান ক । তবে নওয়া বিনতীকরে মেনাঃ আ ধারতী আর মানমি সিরজন রেনাঃ তেতেদ কাথা । ঠাকুর ধারতী খোলোন লাগিদ মানমি সিরজন রেনাঃ কাথায় ভাবিত লেদা । চাঁওরিয়ৗ মেলারে সানাম বঁঙ্গা ক সাও দুডুব কাতে মানমি সিরজন রেনাঃ কাথা ক গালমারও লেদা । মানমি সিরজন তায়ম উনকু মানমী ঠেন খন দেবাসেবা ঞাম লাগিৎ উনকু সরগ পুরিরে মেনাঃ ক বঁঙ্গা আডি লেকান রুপতে মানমি ঠেন বঁগাবুরু ঞাম লাগিদ এনতে কারাম বিনতী সিরজন তায়ম রেঁহ কারাম গঁসাইআঃ চৗল তাহে কানা । কারাম গঁসাই মানমি তালারে দেবাসেবা ঞাম লাগিদতে আডি লেকান আনাটএ সিরজৗও লেদা ।উনরে আজ ওফেললেন তেয় অনা অনাট ক খন মানমী সাহা লাগিদ রেনাঃ কাথা কয় লৗয় আকাদা কারাম গঁসাই যাহা আনাট কয় সিরজৗও লেদা অনা দ যেলেকাঃ – চাওলে গেলেরে হেড়ে হোড়ো তেয়ার গৗয় গাডা মিহু মেরম মানমী ক তালারে রুও হাসু সিরজৗও চাস আরজাও আকান চেতানরে তিজু পারজাও আকান এমান তেমান খনগে মানমী আনাটরে পাড়াও লেনখান ক খকয় ক ওডোক লেনা । ধারমু ঞুতুমান মিৎ হড় আডি সাগিঞ খকয় এ ওডোক লেনা । লাঙ্গা লেন খান গাডা ধারেরে কারাম দারে বুটৗরে জাপিৎ লেদায় । কুকমুতে কারাম গঁসাই ধারমু মেতাদে তাহেজ মানমী কোআঃ দুক সাহা রেয়াঃ কাথা । অনা লাগিদতে আজ দেবাসেবা এ হুয়ুঃ আ মেতাদে তাহেজ বীরজু বীর রেনাঃ কাথা । যাহারে কারাম দারে মেনাঃ আ । ধারমু কারাম গঁসাইআঃ কাথা লেকাতে কামি হরায় এতহব লেদা । অনাতে আতনাঃ খোল আর কারাম সাকামতে তুমদা বেনাও কাতে জড়তে কারাম ডৗর বিদ কাতে অনা ধারে ধারে তেয় এনেচ আচুর লেদা ‌। মিৎ অক্ত ধারমু আঃ অনা কামিহরা আজ দাদা কারমু বায়ু কুসিয়াঃতে সানামাঃ রাপুদ ছাকাছুং কাতেৎ গাডা দাঃরে আতু গিডি লেদায় । অনাতে ধারমু কারমু তাক দমে ক রেঁগেজ লেনা । ইনৗতে আবার দড়হাতে কারাম গঁসাই কিন পাঁঞ্জা আগু লেদেয়াঃ । ইনৗ তায়নম ধারমু কারমু কারাম গঁসাই দমে কিন দেবাসেবা আদেখান দমে মিহু মেরম কাডা ডাংরি ক পারচাও লেনা ।  আর চাষ আরজাও দমে আরজাও এনতে আনেজ ধানেচ কিন কিঁসৗড় লেনা । নংকা কাতে কারাম গঁসাই দেবা ইদি কাতেদ যাহা বিনতী বাখেড় সেরেঞ ক এতহব লেদা অনা নিতহঁ খেরওয়াল সাঁওতারে ইদিঃ কানগেয়া । নওয়া কারাম বিনতী রেয়াঃ সেরেঞ দ নংকা – 

                                      

কারাম গঁসাই

লৗই বিন ভৗয় ধারমু কারমু 

নুই কারাম গঁসাই অকারে বিন ঞাম লেদে 

অকয় ঠেন গেবা নুই আ তলাস বিন ঞাম লেদা

হে চৗয় চাম্পা বয়হা কিন 

গাড় রেন নাগার রেন ভৗই আজম বিন 

খেরওয়াল ক সানাম ক বাডায় কাঃপে 

দুয় দুকধী বয়হা কিন 

খেরওয়াল ক সানাম কগে আজম পে ।

সানাম কগে আজম দহ কাপে ।।

Johar🙏