বেড়া হাঁসুর আসমান

দিন মান দ আবন রিনিচ্ অৗডি বোগে পেড়া 

কৗমি সামাই কাতে আদয় চালাঃ আয়ুব বেড়া। বিদৗই হাতাও কাতে উনি অড়াঃ চালাঃ জখাঃ 

santali kobita বেড়া হাঁসুর আসমানবেড়া

নানা ভিরকুট ভিলকী উদুঃ অৗডি গেদয় রুখাঃ। সাঁওতে ইদি কাতে মারসাল আচ্ সুকতে উদাঃ 

ঘোর ঞুতৗতে বৗগিয়াতায় আদ আবন আঁদাঃ। উনরে আদয় উর্দুঃ আবন সেরমা সোঘোড় ছুবি নংকা বাক লেখা পুরীও দুনিয়ৗ পেরেচ্ কুবি।

রিমিল রেয়াঃ শাকি শোভা উনদ অৗডি খোলোন বসমতারে চেৎ হঁ বৗনুঃ অনা রেনাঃ তুলন।

ঘানেক ঞলঃ দাঃ দরয়া লিঞ্জিুঃ চেহেল চেপেল উডুল ডুবুল রাজহাঁসক আতিঞ জোমেল জোমেল। 

অন রেগে পায়রাঃ আক আরহঁ তায়ান মাঁগাড় 

স্বরগ পাতাল উনকু এড়ং মচা দক চাগাড় । 

উডুল ডুবুল আতুঃ কানা দোমেল দোমেল লাউকা অনা সাংতে হিজুঃ সেনঃ হরেক রকম চাউকা। 

রথ রথ জাহাজ সালাঃ বোটক সেনঃ চুরমার 

অৗডি আজ বাজ হানে খার খার হিজুঃ সেনঃ ফুরফার 

থারে থারে পান্তে পেতেৎ দারে ধিরি বুরু 

হাড়াম হাঁডু দিড়ঁ দচয় দিপিল হুরু হুরু। 

দারে চেতান লাওয়া ঝাওয়া নাড়ী লাওয়াং লাওয়াং লিকিৎ লিকিৎ হিলৗঃ কানা হয়তে ডাওয়াং ডাওয়াং। 

অনা বুরু চট ধঁজরে অৗডি খানা ঢডার 

অকা রেদঞ চালাঃ অনা কাথা কুলি অডার ? 

রাজ রাপাজঃ পাকা দালান ঞেলঃ সনা মঁদির 

চট্‌ চুড়ৗরে জেঁগেৎ জেঁগেৎ অনল খুদির বুদির। কয়ঃ তেহঁ মেঁৎ ইড়িজঃ অকাতেচ ছানঃ 

আয় উমৗনতে অনা কাথা অকাহঁ বাং গানঃ।

ডিগ ডিগ বাহা দারে নাপায় মুদির ধারে 

ভোটোঃ কাতে সাড়ঃ কানা অনা হারে ফারে। 

হিসিৎ হিসিৎ হয়তে হিলাঃ মঁজতে সারে সারে লেওয়ের কোদোর ঞেলঃ লগর অনা ধারে ধারে। আঁদিৎ দুঁদিৎ রেল ইঞ্জিন দৗ-ড়ায় তুড়ি ঘুড়ি 

ধুঁউআঃ কানা চাবাঃ কানা যত চাড়ি হুড়ি। 

ঞেলঃ কানা হানে সাঁয় সাঁয় সেনঃ মটর গাডি 

রিয়ৗৎ লেকা রিগৗঃ কানা বানুঃ ছাডা ছাডি। 

সাজন বাজন আঁজম মেনাঃ যাঁদে তাঁদে খঁজন জিউয়ি তিরপিৎ চাঁহুটানা মনে হড়ময় রঁজন। বোরোৎ বোরোৎ উডৗঃ আক আরহঁ অণ্ডে পোহো সেরমা গেক টাপাও এদা উনকু তোহো তোহো। মাঁডরাঃ আক কঁঃ কিশনি কাহুঁ বনা জালো 

লাপা লোপোঃ কেঁহে কুড়িৎ চালাঃ আক হালো।

আয়ুব রিমিল শাকি শোভা ঞেলঃ অৗডি সুইকিন আঁক আংকার জীব জীয়ৗলী খোলোন মনে মোহিন। 

যত গেচ অটাং এনা অনা ছিতি বিতি 

মনে গেয়ান খাতির থিতি দহয় রিতি নীতি । 

সাগ সোঘোড় চাঁহুট চাঁদোয় উদুগ আয়ুব বেড়া আবন রেয়াঃ মনে বধাও এমা বনায় সেঁড়া।

অনলিয়ৗ:- Sadhuram Chand Murmu