ধরম চাষী 

পৌষ সাকরাত চালাওএনা নারে সাল দ খাঁড়াঃ 

মাঘ মাহিনা সেটেরেনা হাল সাল দ পাড়াঃ । 

আঁজম তাবন পেহো আবন দিসম জাকাৎ চাষী সাজাও তাবন ইসি আঁরাড় আরহঁ গুতি দাসী। নাওয়া দিনরে মাসে আবন হাসা দবন লাহুদ 

santali kobita abritti ধরম চাষী

চাষব এহব জহৎ জুগুৎ মনে বাবন আকুদ 

মা চুরমার ছাটাঃ আবন কামি দবন অসরাও জিউয়ি দোগোঃ এমানতেয়াঃ জমাঃ দবন আরজাও। 

ফুট তুরবুজ কহঁড়া ঝিগাঁ আমদানী ব কাল্লা 

দিন দিগে আকরিঞাবন হাটব দাঁড়ায় তল্লা। 

এরজং আবন ধুনিয়ৗ জিরৗ রহয়াবন রাঁসুড় 

গাফিল লেরে হাট বাটরে পুইসৗ হৗরেম পাসুড়ঃ। ঞেল ঞেলতে হিজুঃ কানা সেটেরঃআ রুহনী 

বৗদ বাঁইহৗড় হড়ো এরঃ উনদ মাবন বুহনী। 

নওয়া জখাঃ হড়ো ইতৗ এর্ কাতেবন আফর 

বাংরে হালে আষাঢ় রেদ চেৎ কদবন বাখর ? আষাঢ় বংগা জারগে জাপুৎ রিমিল হুদুড় হুদুড় । রহয় তোতোৎ ছুটৗঃ আবন উন দ উদুড় ধুপুড়।

নংকা কাতে আষাঢ় শান দ কৗমি তেবন খাঁড়াও রুহনী রেনাঃ গাছি হোড়ো যত গেবন ফড়াও। হেড়হেৎতে কাটাঃ দাঁসায় সেটেরঃআ সহরায় 

তুড়ি তিলমিঞ গুঁজা টিসি ছোলা চাষব মঁহড়ায়। উদা আঁঘাঢ় পাড়াঃ রেদ হোড়ো কবন ইরঃ কৗমিয়াবন চাষী হপন তিসহঁ বাবন থিরঃ। 

চাষরে মেনাঃ আথাল পাথাল আকাল সুকাল হাল্লাক্ 

উনদ জমাঃ বাবন ঞামা বাং খাটাঃ আ চাল্লাক্। অনা লাগিৎ নিত ইঞ নেঁহর-বয়হা চাষী কঠেন আকাল এঁন্ডেল ধরম চাষহঁ হুঁসতে মাবন মেপেন৷ “হড়ম হাসা” লাহুদাবন মনে জোরবন ধেরা 

“চাঁদো ঞুতুম” ধরম ইতা জিউয়ি রেবন এরা। আরজাওয়াবন নন্ডে ধরম আকাল সুকাল বানুঃ নিখুঁটাবন মনে জিউয়ি চেৎ তেহঁ বাং হানুঃ।

অনলিয়ৗ:- Sadhuram Chand Murmu