Santali Kudum pdf
 |
| santali kudum |
কুদুমরে কুড়ির কুড়িৎ
মাড়াং দ বাং তাহেন তায়া
তায়মতে ঞাপাম।
ঞাম তায়ম দয় আদ আ
আদ তায়ম আর হঁ ঞাম রুয়ৗড়ায়।
ইনৗ তায়ম আর হঁয় আদ লেখান
আদ বায় ঞাম রুয়ৗড়া
মা লৗই পে চেৎ কানা?
তেলা- ডাটা
কুদুমরে কুড়িৎ কুড়িৎ
মিদটাং বুরু রেনাঃ মাদ্
বাং গাঁট আনা।
মা লৗই পে চেৎ কানা?
তেলা- বহঃ উব।
কুদুমরে কুড়িৎ কুড়িৎ
চেতান বৗইহৗড় রে সিয়ুঃ আয়
লাতার বৗইহৗড় রে ঢেলাক গুড়দৗউ বাড়ায়া।
মা লৗই পে চেৎ কানা?
তেলা- পারকম তেঞ।
কুদুমরে কুড়িৎ কুড়িৎ
রাপুদ রাপুদ অড়াঃ রে
কঁঃ ক এনেচ কান।
মা লৗই পে চেৎ কানা?
তেলা-জনড়া আতা।
কুদুমরে কুড়িৎ কুড়িৎ
মিৎটাং সনা থারি আয়ুব তরা রে আদঃ আ
আর হঁ সেতাঃ এনা ঞেল ঞামঃ আ
মা লৗই পে চেৎ কানা?
তেলা-সিঞ চাঁদো।
কুদুমরে কুড়িৎ কুড়িৎ
মিদটাং রূপৗ থারি বৗই বৗই তে হেড় চাবাঃ আ
আর হঁ বৗই বৗই তে বেনাও রুয়ৗড়ঃ আ।
মা লৗই পে চেৎ কানা?
তেলা-ঞিদৗ চাঁদো ।
কুদুমরে কুড়িৎ কুড়িৎ
মিৎ ডালিচ উপৗল বাহা
বাম লেখা চাবা দাড়েয়াঃ আ।
মা লৗই পে চেৎ কানা?
তেলা- সেরমা ইপিল।।
কুদুমরে কুড়িৎ কুড়িৎ
মিৎ টাং বুঢি ডেকে রেম থৗয়ৗ লেখান
চাওলে গেয় উলৗয়া।
মা লৗই পে চেৎ কানা?
তেলা-ঢিংকী ।
কুদুমরে কুড়িৎ কুড়িৎ
লাচ মেনাঃ তায়া পটা দ বাং
মচা মেনাঃ তায়া ডাটা দ বাং ।
মা লৗই পে চেৎ কানা?
তেলা- ঠিলি ।।
কুদুমরে কুড়িৎ কুড়িৎ
মিৎটাং গিদরৗ
বহঃ দহ কাতে দাঃ এ ঞুয়া ।
মা লৗই পে চেৎ কানা?
তেলা- ডিবৗ।।
কুদুমরে কুড়িৎ কুড়িৎ
বার রকম বারটি বাহাঃ আ
জঃ আ মিৎটাং গে ।
মা লৗই পে চেৎ কানা?
তেলা- বার চাঁদ মিৎটাং সেরমা ।।
কুদুমরে কুড়িৎ কুড়িৎ
চটতে উডৗঃ আয়
চেঁড়ে বাং কানায়
বায় জমা একেন ঞুয়ায়
বালে গিৎরৗ বাং কানায়।
মা লৗই পে চেৎ কানা?
তেলা-উডৗন গাডি ।
কুদুমরে কুড়িৎ কুড়িৎ
কুল লেকায় আঁডরাঃ আ
পোঁডগেয় গাসিজা ।
মা লৗই পে চেৎ কানা?
তেলা- মটর গাডি
কুদুমরে কুড়িৎ কুড়িৎ
জেওয়েৎ হড় এ ফাঁদায়া
গচ হড়ে দৗড় কাঃ আ।
মা লৗই পে চেৎ কানা?
তেলা- সাইকেল গাডি ।
কুদুমরে কুড়িৎ কুড়িৎ
মিৎটাং ইচৗঃ হলো
সেঁগেল গে থো-য়ায।
মা লৗই পে চেৎ কানা?
তেলা- পিস্তল।
কুদুমরে কুড়িৎ কুড়িৎ
পোঁড বৗইহৗড় রে
হেঁদে হোড়ো ক এর আকাদা ।
মা লৗই পে চেৎ কানা?
তেলা- কাগজরে অল ।
More Stories
New santali shayari Dulariya Rahi mai
New santali shayari on life // New santali shayari
santali shayari romantic text // New santali shayari 2024 english