Santali Kukli 2023

Santali onorhe

*কুকলি*

*—————–*

 ইঞদ অৗয়ুঞ অলঃ কানা হানে সেতাঃ খনাঃ 

গুড় খৗজৗড়ি বানুঃ তিঞা উকুর কাটিচ জমাঃ ।

আমদ খালিম মিতৗঞ কানা পাড়হাঃমে আর কাটিচ

জমাঃ ইঞ কয়মে রেদ বাচম ইমৗঞ জুটিচ ।

বেড়ায় রাকাব পিরিল পিরিল  ধৗরতী ললয়েনা 

খেলোট ডৗহিতে গাতে ইঞরেন সানামক চালাও এনা ।

আম সুররিঞ দুড়ুপ আকানা মনেদ অকারেচ 

পতব তিঞ সামাংরেহঁ দিশৗয়িদৗঞ চেৎ চ ।

সেতাঃ বেড়ায় তিকিন এনা হেচ এনা মাজান

এনহঁ আমদম মিতাঞ কানা অলমে পুথি গাদান 

ভৗবিত ইদৗঞ পাঁজা কওয়া ডৗহিরে উটি উটি । 

গিদৗর মনে চুগুড় বুগুড় হাঁডে নাডে গটা 

গারজাও আতে এনহঁম মিতৗঞ সাবমে ননল বটা ।

কুলি মিয়ৗঞ এগো আয়ু ছুটি তিরেম ইমৗঞ ?

তারাসিঞ অক্ত অৗওরিয়াআ বারে বারেম মিতাঞ ।

পছিম নাখারে বেড়া উনি বলন কানায় লেতাড় 

আদ য়ুগো তিনঘৗড়িচ পাড়হাও ইঞাম গতাড় ? 

কাড়াং ঞুতৗৎ আড় গন কানা চেঁড়ে কিচির মিচির 

খেলোট ডৗহিখন গিদরৗক হিজুঃ কানাক ছিতির বিতির ।

বৗদ বৗইহৗড় খন কামিয়ৗক হেচ এনাক বাড়ে

জীব জিয়ৗলীক সামটাও এনা বানুঃ ক আড়ে থাড়ে ।

মেরম ভিড়ি সিম শুকরি বলয়েনাক গড়া 

এনহঁ ইঞদম কুলিঞ কানা পতব রেনাঃ পড়া 

অনলিয়ৗ :-S.Saren