মিৎটেন মেৎহা

 মেৎদাঃ নিত হঁ আওরি রহড়ঃ আ 

মেৎ পেরেচ মেৎদাঃরে ফাগুনাঃ আশ 

হরাসি পেরেচ সিঁদুর 

কাঁসৗই নৗই ঢিপরে দুড়ুব কাতে দিশৗ হিজুঃ 

মিৎ টাং মেৎহা …..

মেৎদাঃ নিত হঁ আওরি রহড় আ 

যুওয়ৗন পূর্নিমা চাঁদো রেহঁ দিশৗয়ৗঞ 

পুঅৗতি আশ মিৎটেন মেৎহারে 

তিনৗঃ হয় বাণ্ডোল অটাং আকাদায় 

মি-মিৎটাং ঞিদৗ রেনাঃ সরেশ কুকমু …

মেৎদাঃ নিত হঁ আওরি রহড়ঃ আ 

মি-মিৎ ঠপ মেৎদাঃ ত পাঁডু ধুবী ঘাস 

হারিয়ৗড় রাকাব আকানা 

সিঁগৗড় কিষ্ট চূড়ৗ বাহা মেৎহারে

মেৎদাঃ নিত হঁ আওরি রহড়ঃ আ ….

মেৎদাঃতে ঝাপসা রিমিল রেন ইপিল 

লেখা লেখাতে পারম আকানা 

তিনৗঃ ফাগুন চ…..

খালি মিৎটেন ধরো ধসো ঞুত 

মেৎদাঃতে পেরপেডাং জিওয়ী …..

সাঁওতা জর বাড়ে বুটৗরে মারশাল হিজুঃ লাহা 

জৌল রাকাব লেনায় কাঁহিশতে হিরকৗতে …

গিদি নিত হঁ ক মাডরাঃ কানা 

নিত হঁ মাডরাঃ কানা মিৎটেন মেৎহা …..

অনলিয়ৗ::কাঁসাই কুঅৗরি