বর্ষা আয়ু 

Santali shayari

 বর্ষা আয়ু ভরসাতে চাষী মনে খাদবাদ 

রেঁগেচ তেতাং গায়ুর-টাপুর জিউয়ী জাতী রাদ বাদ 

বেরেল সাহান সির-সর চুলহৗ পেরেচ দাঃ 

রেঁহে রেঁহে টুইল এগাঁৎ তাঁহু বাং এ্য রাঃ ।

বর্ষা আয়ু অরসংতে খুঁদড়ি লাঁদুড়ঃ 

বৗদ-বৗইহৗড় গাডা আড়ে লেবদা ধাসুড়ঃ 

হপন কুনু খুনুঃ খুনুঃ বাং এ বুজা নাহাঃ 

রেঁহে রেঁহে টুইলু এগাঁৎ তাঁহু বাং এ্য রাঃ ‌।

বর্ষা আয়ু গার্জাওতে দারে নাড়ী ছাট-পাট 

জিয়ৗলী জিউয়ী হাঁকাল-কাঁদাল চাষী মনে রাট পাট

গাই গড়া খাদ-খাদ কাডা গড়া লাদ বাদ 

রেঁহে রেঁহে টুইল এগাঁৎ তাঁহু বাং এ্য রাঃ ।

বর্ষা আয়ু ভরমতে রাজ বাঁদেলা দাঁধেরঃ 

জিউয়ী জুরি পয়রানী মনে বিছকঃ 

কামসাও আতে রহড় গাডা বীর বুরু ধাসাঃ 

রেঁহে রেঁহে টুইল এগাঁৎ তাঁহু বাং এ্য রাঃ ।

বর্ষা আয়ু বরকেততে চাষী মনে লাসাড়হেত 

বৗদ-বৗইহৗড় হালি-হৗরয়ৗড় দারসা দালেকেত 

মায়না মিরু জিউয়ী জুরী পাঞ্জায় পিছৗয়েন 

রেঁহে রেঁহে টুইলু এগাঁৎ লান্দায় ছুটাও এন। 

জহাঁর জহাঁর আয়ো আতাং তালেমে 

জাও সের্মা লেতাড়গে ভরম কালেমে ।।

অনলিয়ৗ:- এমেম টুডু