Santali love story kahani ধূড়ি সিঁদুর part-7

 হারাতরা জুওয়ৗন মনে রেনাং কাথা বায় রড়গঃ আ। ধিরি লেকান কেটেজ মনে হঁ দুলৗড় সেঁগেলতে মম লেকা গলাও উতৗরঃ গেয়া।

বাহা মৗই আঃ মনেহঁ, সনত আঃ রিদৗই ঝৗলৗরে ঝৗলি সারিয়েনা। দুপুলৗড়  সৗগৗয় নাওয়া সাগেন হৗরয়ৗড় দারে নৗড়ি লেকা সাগেন রাকাব কান তাঁহেদ। অনকাতে মেট্রিক বিনিড হঁ কিন অলকেদা আর দসার থার তেকিন পারম এনা।

কলেজ পাড়হাঃ অক্ত সেটের এনা। বাহা আজ মামী মাড়াং খনগে বাহা আর সনতাঃ কাথা দয় বাড়ায় ঞাম লেদা। নতে আজ আয়ো বাবা তিকিন হঁ—কিন বাড়ায় ঞাম কেদা। অনাতে বাহা মাড়াং সেদ বাংকিন পাড়হাও হচ লেদেয়া। আজ বাবাগে মামা অড়াঃ খন জানাম অড়াঃতেয় ইদি কেদেয়া। সনত সাঁও ঞাপাম ক বারন কেদেয়া।

সনত তেকদ অৗতুরেন ঝত খন কিঁষৗড় হড়। উনকু অড়াঃরে যুদি বাহা লেকান ছৗডুয় কুড়ি গিদরৗয় খাটাও দাড়েয়াঃ আ, এনখান কুকমু কাথা হঁ সারি দাড়োয়াঃ গেয়া। ইখৗন বাহা আর সনত আঃ দুলৗড় সৗগৗয় রেনাং দারে রেহেদ দ পালেন রেঁগেজ কিঁষৗড় দ চেদাঃ, মারাং মারাং হয় বৗরডু হঁ বায় তাড়েজ রৗপুদ দাড়েয়াঃ আ ।

Santali love story kahani ধূড়ি সিঁদুর part-7

সনত কেহঁ  আজ বাবায় মানা লেদে গেয়া। মেনখান চিকৗয় হিড়িঞ কেয়া ? আয়ো বাবা অৗডি রকমতে বুঝৗও রেনাং কিন চেষ্টা লেদ গেয়া। সনত যাঁহানাঃ গেয় খজ, বাং মেনতে বাংকিন মেতায় তাঁহেদ। ঝতওয়াঃ তে উরুন পুরুন তাঁহে কাতে রেহঁ দুলৗড় মায়া দ বায় হিড়িঞ দাড়েয়াঃ তাঁহেদ। আর আয়ো বাবা হাঃ উইহৗর দ, পালেন এ হিড়িঞ জাহান কেদ গেয়া চেকাতে বাহা মা আজ আয়ো বাবা অড়াঃরে, চিকৗ বাংকিন ঞাপাম ?

সনত মচাতে বায় রপড় লেন রেহঁ চিঠি সাকাম দয় ভেজা বাড়া লেদা। আর উকু দানাং ঞাপাম হঁ হুয় লেন গেয়া।

মিদদিনাঃ চিঠি সাকাম আজ বাবা আঃ তিরে পাড়াও এনখান, রাগিতে একলা বাহরে দাড়ান হয় মানা কেদেয়া। আঁতু হড় খনাঃ মা সাহারে। আজ জুওয়ৗরি অৗতু কুড়ি ……………………………….,

গিদরৗ ক সাঁও হঁ বায় জটাও দাড়েয়াদ তাঁহেদ। গিদরৗ খন মামা অড়াঃরের হারা বুরু লেনা, অনাতে তৗঁহ একলা গেয় অৗয়কৗও তাঁহেদ। মনে জিওয়ৗরে নাসেহঁ রৗস্কৗগে বৗনুঃ আনা। সনত সাঁও ঞাপাম লৗগিদ খাঞ্চার মিরু লেকায় ছট পটাও বাড়ায়া । উইহৗর অৗচুরায় আজহঁ যুদি আর গাতে ক সাঁও সেরমা পুরিরেয় উড়াও বাড়ায়া । চেপরেজ ক আয় কেনে কতে, আর কওয়ায় হৗরয়ৗড় ঝুড় দারে ডৗর-রে। রৗস্কৗতে তিনৗঃ চয় সেরেঞ বাড়াকেয়া। নংকান কাথা ক উইহৗর-উইহৗরতে লাজ পেরেজ জমাঃ হঁ দাঃ চাবায়েনা। হড়ম সানাম রহড় চাবায়েনা। মেনখান মিরু লেকা যাঁহা তিনৗ এ ছট-পটাঃ, ফৗকড়ৗঃ রেনাং ইল ক গৗডিজ চাবাঃ রেহঁ সারি উইহৗর, কুকমু রেগে তাঁহে উতৗর এনা।

Santali love story kahani ধূড়ি সিঁদুর part-7

আজ বাবা আঃ উইহৗর, তপাঃ পারকমরে গিতিজ কাতে পাকা দালান রেনাং কুকমু দ অহ সৗরি কঃ আ। বাহা কে হঁয় বুঝৗও বাড়া লেদেয়া। অনাতে মি-মিলধাও দয় উইহৗর গদ গেয়া, সৗরিগে পালেন সনত সাঁও বাপলা কাতে সুখরে বায় তাঁহে কেয়া মেনতে। উনকু দ কিষৗঁড় হড় । সনত এ সিবিলায় রেহঁ, দৗগি হড়ম, আজরিন আয়ো-বাবা চিকৗকিন সিবিলায়া? অল পাড়হাও কাতে, সনত মিদ দিন হিলঃ এ সেঁড়া হড় লেনখান দুলৗড় মায়া বাং তাঁহেনা। সাহেব লেনখান বাহা সাঁও চেকায় ঞেপেল রপড়া।

বাহা মৗই অৗডিগে চিন্তৗরেয় পাড়াও এনা। খালি জম ঞু আর কৗমি। সাঁওতা রেনাং সানাম রৗস্কৗ খন সাহারে। আয়ো-বাবা তাঁহেন তুলুজ টুওয়ৗর গিদরৗ লেকা তাহেন হুয় আয় কানা। আয়ো বাবা আঃ আকটরে তাঁহে কাতে সনত কে হিড়িঞ রেনাংএ রিকৗয়া। মেনখান মনে রেনাং মায়া তপাঃ দাবাং সহজা । 

অড়াঃরে শৗস্তিগে বাং আ। আজ খৗতির, আয়ো বাবা দিনৗম ধারা গেকিন নেয়াও

রপড়ঃ আ। যাহান খৗতির গেকিন মেপেন, মুচৗদ দ আজঠেনগে। সনত বায় হিড়িঞ লেখান, পালেন নেয়াও রপড় দ বায় চাবাঃ আ ।

বাহা মনেয় গটা কেদা। তিসহঁ  আদ সনত সাঁও বায় রপড়া। তপাঃ সৗরি কাঃ আয় দুলৗড় সৗগৗই। এন রেহঁ আয়ো-বাবা তিসহঁ আলকিন নেয়াও রপড়ঃ মা।

মিদ দিন আজ বাবা সামারেয় মেন কেনা— আর বৗঞ উইহৗরেয়া সনত। বৗঞ ঞাপামা। মেনখান ইঞ খৗতির আলবিন নেয়াও রপড়ঃ আ।

Santali love story kahani ধূড়ি সিঁদুর part-7

খেলা অৗড়ি হাহাড়ায় বুঝৗও কেদা!

আরহঁ আজ বাবাহাঃ তি সাব রাকাব কাতে বহঃ চাপু হচ কাতেয় মেন কেনা-

বাবা মেন মে আর তিসহঁ আয়ো সাঁও বাং বিন  খৗপৗরিঃ আ?”

বাহা আঃ মেদাঃ জহা চেতানতে জর আঁড়গোয়েনা।

নংকান কাথা আজম কাতে খেলা অৗডি দুখ এ বুঝৗও কেদা। মিনটাং কুড়ি গিদরৗ খৗতির অড়ায়রে নেয়াও রপড় দ নামে ইউচিৎ বাং কানা।

জরঃ কান মেদাঃ বানার তিতে জৎ কাতেয় মেনকেদা — ‘বাং আ বিটি। আলম

চিন্তায়া য়ো। আদ তিসহঁ বাং …………….. |

বাহা কে বুগি বৗড়িজ এ বুঝৗও বাড়া কেদেয়া।

দসার হিলঃ খনগে নেয়াও রপড় চাবায়েনা। বাহা মৗই একলা যাঁহাসেন দাঁড়ান দাও হয় ঞাম লেদ গেয়া। এনরেহঁ আয়ো বাবা আঃ, আজ চেতান নজর দ তাঁহে কানগেয়া।

অনলিয়ৗ:-ছাকুলাল মুরমু