Santali love story kahaniদুলৗড় সেৎ কয়গ কাতে   // Santali love story // santali dular kahani 

                       দুলৗড় সেৎ কয়গ কাতে   

 জরঃ বাডে বুটারে রপড় গটা গালমারাও কাথা মারে দিন রেনাঃ নাগাম উইহৗর হিজুঃ কানা । ইঞাঃ কড়ামরে গুঁগুুঁৎ কাতে রাঃ কাতেম মেন লেদা -সানাঞ কানা বাঞ্চা এটা হড়ক লেকা সনের সংসার বেনাও কাতে । গালাং সানাঞ কানা সংসার মালা মানওয়াকঃ তুলুচ সুলুক সাগাই তালাতে তিংগু সানাঞ কানা মানওয়া তালা-সসনঃ সাঁও গাতে কাতে । হটঃ হাড়ুপ কাতেম মেতাদিঞ তাঁহেজ।                            

Santali kahani

এগো দুলৗড় আমগে আখির রিনিজ ছাতা দারে মনে জিউয়ী রিনিজু বংগা বুরু কাথা এমঃ মে
দেন – সেরওয়া রেনাঃ লাগতি বেগর হাডি পাঁউরা আলম ঞুয়া সাঁওতারে সুলুক সাগাই দহয় মে । লিচাড় আকান সাঁওতা আর ঝাঁঝরা আকান আরিকঃ সুধররাও কাতে সাঁওতা সুসার দেলাং কামিয়া । তবেয়েনা সারি আ তবেয়ানা গাবেঃ আ আলাং আ দুলৗড় দুপুলৗড় । বাড়ায়াম দুলাড়ী সংসার দ সাঁগিঞ গেয়া — আম তুলুচ সুলুক সাগাই মেনা রেহঁ দুলৗড় রেনা রৗস্কাদ বাঞ এম দাড়ে কাওয়াৎ মেয়া ।

তেহেঞ লেকান সসনঃ যুগরে ,রেঁগেচ চেতান কিঁষাড় কওয়াঃ সিঁয়াজারী পাহিলখন হেচ আকা মেনাঃ গে অনে নিতরেহঁ লেতাড়াকান গেয়া । হালা হাতাও সানা রেঁহ দাড়ে অকারেম ঞামা । রেঁগেচ নাচার ঞেলতে হিড়ির মেদ্ দাঃ সারেড়ঃ কানা দাড়ে সারসাও লেনখান দুখ দরয়া খন অওয়ার রেনাঃ আঁগিভার দঞ গঃ কেগেয়া । এন খান দুলৗড় হুডিঞ হাপড়াঃ সাঁওতারে সনের সংসার বেনাও আম চিকাতে সসনঃ যুগরে হুডিঞ মারাং জৗত বিচার মেনাঃ, গেয়া মেনা গেয়া নিতরেহঁ জপটেৎ বতর ধার্ত্তিরে সানাম হাপাটিঞ কাতে আপাসুল কাথা নিত রেহঁ আউরিক উইহৗর তিয়ুগা । অনাতে গেচঃ দুলৗড়ী উইহৗর গদাঞ — আগিল হাপড়াম কওয়াঃ চাঁই চামপা বাদোলী কঁয়ডা গাড় এমান সারি নাসে মেনাঃ অডে চেতান লাতার বাখোল দালান বির বুরু দারে নাড়ী নানা হুনার জ বাহা — কোপে আকানা সাড় আকানা সাজাও আকানা থারে থার । রাসা চেপেজ লাগিৎ উরু ভাঁওয়ার রাস্কাতে গুন গুন ক সেরেঞ আচুরেদা । মানওয়া কওয়া বানুঃ আ রেগেচ্ রাবাং কাইজা খপারী এনেজ সেরেঞ রৗস্কৗ তালারে মানমী ক ডুবুজ আকানা । সেরমা পুরীরেন বংগা বুরুক –তোড়ে সুতৗম তিজ কাতেক টুঁডৗং টুঁডৗংতেক আঁড়গো রাকাপ আ । চাউরিয়া মেলারে মানমী আর বংগা বুরু তালারে রৗস্কৗ রাসাক এপেম চাপালা । আরহঁ মেনাঃ অ–টাটি ঝারি ঝারনা লল সিতুং ধুরুপ রেহঁ সেতেঞ কাতেই লিঁগিয়েদা —– রিলৗ মালা রেয়াড় ঝারনা দাঃ । রেয়াড় ঝারনা দাঃ ঞু কাতে — লাঁগা মালা পতাম হঁ অনা তেগে চঞ লৗইয়া —দেলাসে দুলৗড়ী দিশমলাং সাঁঘারা সুলুক লাং পাঁজায়া । আখির বিরৗদালী ক লাগিৎ হর ডাহার লাং ফারচায়া । তবেয়েনা সারিঃ আ আমাঃ কুকমু মেটাঃ আ মনে রেনাঃ সানা হোয়োঃ আঃ সুলুক তালারে সনের সংসার ।।

অনলিয়ৗ :- Sili sutam .