Santali New Love Kahani 2024 ধূড়ি সিঁন্দুর Part-10

 দসার সেরমা চৗত বঁগা দিন তাঁহে কানা। সনত তেক অড়াঃরেগে ঝত ভায়াদ ক জাওরা লেনা। বঁগা বুরু দিন, দসার হিলঃ ঞুত ঞুত তে বঁগাঃ ক সাপড়াও ওডোক এনা। টৗঁডি বঁগা, টৗঁডিরে। বঁগা জায়গা সেটের সাঁওতেগে বঁগা ধার আর সাপাব অত করে ক দহ বাড়া কেদা।

গুরিজ বাড়া কাতে বঁগাঃ কদুডুব এনা। সৗরদি বঁগা বুরু অক্তেগে হৗঁডি টুকুজ দ আচকাগে আজ মৗন মৗনতে পসাঃ উতৗরেনা। অৗডি হাহাড়া রেনাং কাথা, বঁগা বুরু আওরি তপাঃ রেগে নংকান অসৗগুন ঘটনা ঘটাও এনা! সুরয়ৗও বাড়া কাতে কৗমি দক চুকৗও কেদা।

ইনৗ তায়ম খনগে বুগি বাড়িজ ক তরজমা মিদ কেদা। চিকৗতে নংকান বেবৗড়িজ ঘটনা ঘটাও এনা? দু রেহঁ যাঁহানাঃ কারন দ মেনাঃ গেয়া। বঁগা বুরু কাথা, টৗঁডি বঁগা মা অৗডি নিরৗড় বঁগা। নাসে নাঃ লেগ বিধি বাং গান লেনখানগে অড়াঃ আর বংশরে পিড়ৗ হুয় দাড়েয়াঃ আ।

সনত আজ বাবা অৗডি চিন্তৗরেয় পাড়াও এনা। চিকৗতে আক অড়াঃ খনগে নওয়া হৗঁডি টুকুজ দ অডোক আকানা। হুয় দাড়েয়াঃ আ কুড়ি হপন চেদ ক বাংক গান আকাদা? অৗডি রকম উইহৗর হিজুঃ কানা মনেরে অকা দ সৗরি অকা দ বাং, বাডায় মা অৗডিগে মুশকিলা। আদ জম ঞু বাড়া কাতে সানাম ভায়াদ কগে কগাল মারাও মিদ্ কেদা। যাক হয় আঃ মা হয় এনগেয়া। ঠৗওকৗয়েনা, বাড়ায় ঞাম লৗগিদ অঝা মৗতি ঠেন সেনকাতে খৗড়ি নৗড়ি নিহৗতগে দরকার।

Santali New Love Kahani 2024 ধূড়ি সিঁন্দুর Part-10

বেড়াহঁয় তারাসিঞ গদঃ কানা। জম ঞু আর কাথা কতপাঃ বাড়া কাতে অড়াঃ ক রুওয়ৗড় হেজ এনা। কুড়ি হপন ক বাং বাড়ায় হচ কাতে, সনত আজ বাবা আর ভায়াদ। ভিতৗর খন বার হড় অঝা অড়াঃ সেনঃ ক ঠৗওকৗ কেদা।

দসার হিলঃগে অঝা অড়াঃ ক সেন এনা। সনত বৗবুহঁ হোস্টেল তেয় রুওয়ৗড় সেন এনা। ভায়াদ কহঁ আপান অৗপিন অড়াঃ ক রুওয়ৗড় বাড়ায়েনা।

অৗয়ুব বেড়াতে অঝা অড়াঃ খন ক রুওয়ৗড় হেজ এনা। ঝত গেবন বাড়ায়া বৗদ সি লেখান ঢেলকা দ উল্টাঃ গেয়া। দোষ দ হৗঁড়ি দহরে। চেদ রে বায় গানা? হৗঁডিমা অড়াঃরেন কুড়ি হপন গেক দহ আকাদা। সনত আজ বাবা অঝা কাথা আজম কাতে আঁডি অৗডি চিন্তীরেয় পাড়াও এনা।

উনৗঃ উতৗর দ পৗতয়ৗও বাং হিজুঃ কান তাঁহেদ। অনাতে দসার অঝাঠেন সুনুম ঞেল হচ ক সেন এনা। উনিয়াঃ কাথা হঁ’ইনৗগে। বানার অঝা আঃ কাথা মিদ এনতে সানাম কগে পৗতয়ৗও হুয় আদ কওয়া। ইনৗ তায়ম খনগে অড়াঃরে চারচা এহব এনা। অকয় হৗঁডি ক দহ লেদা? খোঁজ খবর ক হাতাও কেদা। বাডায় ঞাম এনা কিমিন তেদ্‌ হাট খন টুকুজ দয় কিরিঞ আঁগু লেদা। হানহার তেদাঃ কাথা তেগে, হৗঁডি দাকা হয় হৗর লেদগেয়া। নওয়াগে দোষ দ। সনত আজ বাবা আঃ মনেরে রৗগি সেঁগেল গে জুল রাকাব এনা।

রৗগি আড়াংতেয় মেনকেদা- ‘আপনারাঃ কাথাগে বাংক আঁজমা, মাসে নিতঃ সামড়াঃ পে।’

Santali New Love Kahani 2024 ধূড়ি সিঁন্দুর Part-10

কিমিন তেদ দ অড়াঃরে বায় তাঁহেয়া। আজ মামা অড়াঃ সেদ এ সেন লেন তাঁহেদ। হানহার তেদ হয় রৗগি চাবা আকানা। আজ হঁয় এগের জং কানা- ‘নুই নাজম খৗতির তেগে মিদ দিন হিলঃ নওয়া অড়াঃরে সেঁগেল লাগাও দাড়েয়াঃ আ।’ ‘আম দম বুগিতে। আম খৗতির গেত নংকা দোষ মা হুয় আকানা’- সনত আজ

খান গিরৗ সাকাম দয় চাল আদেয়া আর মাড়াং সেদ এ লাহা ইদিয়েনা। সনত দ অনা নেওতা গিরৗ ঞেল কাতে কয়ঃ রেগেয় তাঁহেয়েনা। চিকৗতে অনাদ অৗকিনাঃগে “দেশ পারগানা বিচৗর” তাঁহে আঃ। অনকাতে বাড়ায় ঞাম কেদায় যে বাহা দ মেনায়গেয়া। সনত মনে জিওয়ীরে অৗডি কুসিয় বুঝৗও কেদা।

বিচার দ ইনৗ দসার হিলঃগে ভৗদুডিহৗ আতুরে দহলেনা। বেড়া হঁয় লাহা ইদিঃ কানা, অনাতে হড় কহঁ পাতা টৗঁন্ডি খন আপান অৗপিন গিদৗর-পিদৗর আতে অড়াঃ তেক রুওয়ৗড় সেনঃ কানা। ইনৗঃ হিলঃ দ অনা আঁতুরেগেয় বাসায়েনা।

অনলিয়ৗ:-ছাকুলাল মুরমু