Santali Old onorhe গাতে টুওয়ৗর

গাতে টুওয়ৗর

অকায়েনাম দুলৗড় গাতে

বাংহেম ঞেলঃ কান ।

আম বাংতে ইঞাঃ জীওয়ী 

আডিগে লঃ কান ।।

ইদি য়িঞাম মেনতে দুলৗড় 

সিবিলৗঞাম মেনতে ।

আমাঃ দুলৗড় উমুলরে সৗরি 

ইঞ দম দহ য়িঞা মেনতে ।।

রৗস্কৗ সেলেদ আমদ গাতে 

চালাও এনাম ইঞ বাগিকাতে ।

হিড়ির হিড়ির মেদ দাঃ জরঃ 

আমাঃ দুলৗড় উইহৗরতে ।।

একলা তাঁহেন মনে জীওয়ী 

বাংগে গটাঃ কান ।

আমাঃ অনা সোনা মহর 

মেদরে ঝালকাঃ কান ।।

খাঞ্চারেহঁ বানুঃ এয়া 

আসুল হারা মিরু ।

আকুল মনেয় রাগরেদ 

অকয় ঞেলতিঞ থিরুঃ ।।

বিকল জীওয়ী রাড়েজ লৗগিৎ 

হড়ক ঠেনিঞ সুরুঃ ।

হিরখৗগেক ঞেলিঞ আরহঁ 

মিতৗঞাক ঞিরুঃ ।।

চালাও এনাম আমদ সৗরি 

ইঞ একলা বাগিকাতে ।

তপাঃ কেদাম তপল মায়া 

চেদ এম কাঁহিস এনতে ।।

ঞাম আনাম আমদ সারি 

জীওয়ী রাড়েজ কাতে ।

এঁজ আদিঞাম জীওয়ী পেরেজ 

আঁগরা সেঁগেল আমতে ।। 

অনলিয়ৗ:-ভাগীরথী হাঁসদা (মাস্টারদা)