Santali onorhe, santalivideos.written by

Sumana Besra সাঁওতালি অনড়হেঁ “জুগ রেয়াঃ গানাডিরে” অল আকাদায় অনলিয়ৗ সুমনা বেসরা ।

Santali onorhe,

হাড়াম বুঢিয়াঃ জৗপিৎ কুকমু 

দসার সিমরাঃ রে এভেনঃ সাঁওতে 

বুঢি কুকলিয় দহয়া- 

“সৗগুন সে অসৗগুন” 

তালাঞিদৗ কুলহি ডাহাররে বঁগাকড়ায় সেরেঞ 

জুগ বদলঃ কানা 

সৗরি পৗতয়ৗও জালাৎ আকানতে 

দিসম অড়াঃরে ঞির বৗগি হাড়াম বুঢি

ফিস ফিস সেঁগেল কিন অং ।

বাজার রেন গিরৗবাসি সানতাড় 

সানতাড় দেকো বাপলা কো সৗহি জুহিয়া 

জাহের গাড়রে বাং কাতে 

মন্দির গির্জা কো তাড়ামা 

নাওয়া প-পংড়া অনকাগেকো চাচোঃআ 

জাহের সারজম দারে 

তুড় গুড় কো হরহয়া ।

সহরায় বাহা আগে কোরে 

হপন এরা মিসেরা ভায়াদ কো 

বাংকো জাওরা ঞাপামা 

ক্যালেন্ডাররে আরাঃ দাগ্ বাংতে 

মাগাড় গুপি লাহাওয়াকান হাড়াম বুঢি

পরব পৗলি রে 

কেচাঃ পাতড়া পিঠৗ বাংকো কটঃ ঞামা 

অকয়ে আঁজলে চাল আকোওয়া ?

গুরিচ-মুডুলি বাং তে 

ভিতৌর অডাঃরে ধুড়িগে অটাং অঃআ 

বিঁদি গানাঃতে দালব কচারে 

চুটয়ৗ কো চুডুব্ চুডুবা ।

মিউজিক বক্সতে তারকো আ 

হামাল টামাক ডেডেঞ লৗগিৎ 

দাড়ে আকানা 

কাঁত জাপাঃরে আকা টামাক অকয়ে গুডৗওআ 

গুডু বুরুজ ঞুর হাসাতে 

টাবুং টাবুং সাডেঃআ ।

রাজ অৗরি চাতমতে উমুলঃ কান 

সানতাড় মুদরে এরঃ কান 

হাপাটিঞঃ ইতৗ 

পারচাঃ কানা চপৎ গাজাড় লেকা 

জুগ রেয়াঃ গানাডিরে 

তেঁগো কাতে 

হিনৗ নিয়ৗঞ গুনি ভৗবিঃ আ ।