“পৗরসি রাসা”

kutish baha

মি-মিৎ গটাং মানমি জৗতিয়াঃ 

মি-মিৎ টাং পারসি মেনাঃ 

রড় সোগড় ঝত কওয়াঃ 

জানাম পৗরসি হঁ মেনাঃ । 

রড় লাঁদাতেক গাবাড় আঁদোড় 

অড়াঃ রেনাঃ চরক চিতৗর 

হারা তরা খন রড়তে সোগড় 

হুডিঞ হাপড়াঃ গিদৗর ।

সানামক লেকা আব জৗতিয়াঃ 

মেনাঃ আ জানাম পৗরসি 

চাচো তাড়ামরে ইনৗবন আয়ুরাঃ 

কয়ঃ আঃ লেকাবন আরসি ।

অনা হারারে আববন সংআ 

চুপুৎ চুপুৎ হুঁদিশ 

তবেয়েনা হহরে ঝতক গংআ 

এমাঃ আক আশীষ ।

তিনৗঃ চরক পৗরসি রাসা 

আবওয়াঃ গরব আবওয়াঃ আশা 

সাড়ের সারসাঃ সিবিল কাশা ।।

অনলিয়ৗ – S.Saren .