Santali onorhe

“ঘাস বাহা “

——————————————————-

 অত অত তেলে তিঁজৗও আকান 

আলেদ ঘাস বাহা 

বৗদ বৗইয়ৗড় রেলে জুরি আকান 

আতো খনহঁ সাহা । 

নানা হুনৗর বাহাতে আলে 

সাজাও আলে ডৗহি 

হিঁসিৎ হয়তে হেলে দোলে 

বৗনুঃ রেহঁ পৗহি ।

আলপে সিৎলে আলপে লেবেৎলে 

আলপে অৗড়িশ আলে 

অত অততে হালে ডালে 

মেনাঃ লে লেলে বেলে ।

লৗবিৎ হড়ম লেওয়ের কদর 

এনরেহঁলে লাড়াও 

বাহা ফুটৗও কাতে চরকলে সদর 

ধৗরতী রূপলে সাজাও ।

ঘাস বাহাতে মৗনদ বানুঃ 

ঝত গেক লৗয়া 

চরক রেহঁ রাসা বানুঃ 

ঞেলে তেরমক জিয়ৗঃ । 

মৗন বানুঃ রেহঁ বাংলে দুকঃ 

আপেক সাঁওরে 

নিরিবিলি তাঁহেনগে আলেলে সুকঃ 

নওয়াগে নেহঁর আপেরে ।।