Santali onorhe ফাগুন বঙ্গা // Santali onorhe//New Santali onorhe 

ফাগুন বঙ্গা

ফাগুন বঙ্গা 

 ফাগুন বঙ্গা গায়গম হয় 

দারে ডৗররে বিলিকঃ সানাম 

মিৎ বার কাতেয় তিয়োঃ আঁড়গয় 

দারে বুটৗ বুটৗ লুটু পুটু ।

তলসাং তারাল বাসাল 

সাহা জং হয় ভান্ডরে সুটু সুটু 

বির বুরু সাজাঃ অক্ত ফাগুন বঙ্গা 

ধৗরতী মানওয়া জিয়ৗলি কওয়াঃ 

সাজাও আয়ুর রৗস্কৗ ঢঙ্গা 

নওয়া সাগেন বালে লেগেচ লেগেচ 

হালি হৗড়িয়ৗরি দারে সাকাম 

হিলৗঃ হায়াম হয়রে কেদেচ কেদেচ । 

ঝালকাঃ ইচৗঃ মুরুৎ বাহা 

বির বুরু তালা জেঁগেৎ জেঁগেৎ 

চুরচু চুমকৗঃ সাহা সাহা ।

উরু পৗতান ঞেলে দুমুর 

বাহা রাসা চেপেচ রেপেচাঃ 

সিম রাঃ খন জুঁগুর জুঁগুর ।

সারসাও সিবিল সঁধাড় সতে 

আঁদ মাদঃ ফাগুন বঙ্গা বির 

বুলুঃ তাহেঁনে অকয় সতে ।

খাডরা চাতম দারে মাতকম 

ডৗর পিছৗ ডৗর পুশি জাঙ্গা কঃ 

মেনাম জাঁঙ্গা ধিরি কাটকম ।

বাপলা অরাম হড়ক কওয়াঃ 

অক্ত বৗনুঃ কামিরে এটাং 

তিকি চাউলে ফুড়ু পাতড়া 

অনা কতেগে অক্ত লেঠাঃ 

ফাগুন বঙ্গা হয়ে উসকৗও 

ভর ডৗঙ্গুয়ৗ মানওয়া জিওয়িরে 

রৗস্কৗ ডৗডিয় সেতেঞ ভুলকৗও ।

আতু অড়াঃ আসকঃ রেয় জহার আতাং 

আঁড়তি আনটাও কামিরে মাতাও 

তাহেন রৗস্কৗ রাহা টামাক আড়াং ।

অনলিয়ৗ:- ধনীরাম মুরমু