বাহা বাড়গে

                             

santali onorhe বাহা বাড়গে

অৗডি নাপায় বাহা বাড়গে    মনে সেনঃ অনা সেংগে

                     তিরপিতঃআ মেঁৎগে৷ 

অঁডে সেনঃ রৗস্কৗ হিজুঃ     ভর কুনামী চাঁদোয় রিজুঃ

                     আহলা বুজুঃ বুজুঃ। 

বাহা ঞেঁলতে চাঁদোয় লাঁ-দা   পিড়িৎ পিড়িৎ সাজাও হিজুঃ 

             উন্‌ দ অনা রৗস্কৗ তেদ ফুলাঃ।

সেটের কাতে তেবাঃ লেরে   মেঁৎক সানাম ঢেরে ঢেরে

                এন্তে রেই মনে গেচ বুলৗঃ

 হয়ে বহাও হিঁসিৎ হিঁসিৎ   বাহা লাড়াঃ লিকিৎ লিকিৎ

          অৗয়ুপ্ বের সাঁও অৗডি গেদ মেলোঃ। 

বাহা চেতান শিশির মেনাঃ    চাঁদো রেনাঃ আতাস সেনাঃ

            হীরা মানিক মুক্তা লেকায় জোলোঃ

ঞেল আক ঝোলে ঝোলে   লাড়াঃ আক জপর জোলে

            গাউয়িচ্ গডাঃ বিড বিডক সোরোঃ।         চেপেল চেপেল রৗস্কৗ কাতে  তিপিয়াঃ ক গাতে গাতে

            হিঁয়ৗ সুতেক এনেচ দক ঘোরোঃ।

এহবাক হেলাহেলি                  মিৎ সাঁওতে ঠেলাঠেলি

          কুকুচ্ ভাকুচ্ দন গেদক সিরজৗউ।

বৗনুঃ তাক ছাড়াছাড়ি           উইহৗরাতে ঘাড়ি ঘাড়ি 

      এহবাক হড়ম হিলৗউ মনে জিউয়ি খিরজৗউ।

সাপাপ আক জড়াজুড়ি  মাতাল লেকা গড়াগুড়ি

          উলাট পালাট ঞেলঃ আডি মঘন।

নাপায় নাপায় বাহা সাড়ঃ  জরঃ লেকা টড়ঃ টড়ঃ

             সানাম হড়াঃ মনে গেদয় রজন।

              অনলিয়ৗ:-সাধু রামচাঁদ মুরমু