Santali onorhe বুল ভৗটুওয়ৗঃ//old santali  onorhe // santali onorhe 

বুল ভৗটুওয়ৗঃ

অনলিয়ৗ -R.C 

Matal kora

 আমদ বুল ভৗটওয়ৗঃ 

চেৎহঁ বাম খৗটুওয়ৗ 

পাঁজায়াম গদাম হাঁডি 

হিরকৗ আঃ আম মাডি ।

দাকা উতু বাচম কুশিঃ 

এহব কেদাম নেয়াও শুশি ।

কঁডেল সাঁডাং আডিম রোহেৎ 

পাঁউরৗ হাঁডি মচা তোহেৎ 

দয়ঃ আনাম ফেড়েঁ ফত 

লাঁদা আম কান হড়ক যত ।

এবহঁ লাজাও বাচম বুঝৗও 

নেশা ঞুগে মনেম রিঝৗও ।

বন্দক কাতে লটা বাটি 

সেঁদরা কেদাম পাঁউরৗ ভাটি 

ভাঁদুড়ঃ কান ভাগওয়া ধুতি 

বানুঃ মুরৗদ বেরেৎ রেনাঃ 

নেশা ঞুতে গটাম দেনাঃ ।

ইপিল গেক হরহয় অড়াঃ 

দেনাম হালায় চিকৗতে হড়াঃ 

আমিজ গেত গিদরৗ হপন 

বাম উইহৗরে জগাও যতন 

নংকা কাতে চিকৗম হড়ে 

রুওয়ৗ হাসো ঝেড়ে ঝেঁড়ে ।

রুওয়ৗতে গিদরৗয় গেরাংআ 

ভাবনাতে এরায় রাঃ জংআ 

ঞেল কতাম এরা হপন 

রেঁগেজ বানুঃ আমাঃ আকিল 

সামাং কামি ঝতম গাফিল ।

ঞেল তামসে হড়ম আমাঃ 

জেল হারতা ঝত লামাঃ ।

আম রেনিজগে অড়াঃ এরা

আকিলঃ কাথা দিনগে রড়া 

এনহঁ উকুর আকিল আমাঃ 

মানমী জনম কি আরহঁম ঞামা ?