Santali oñorhe 2023 | new santali oñorhe | oñorhe 2023 | santali oñorhe | oñorhe | new santali oñorhe 

Santali onorhe

উদৗর ক গুজুঃ কানা 

“————————-“

 হাহাড়াঃ গে কুহুড়ৗ 

নওয়া দিশম তালা 

চেৎ হঁত বাং বুঝৗঃ কানা 

ঠৗওকৗ রিলৗমালা ।

অকাটাঃ দ মেৎ হাঁ কানা 

অকাটাঃ দ মুখৗস 

অকয়াঃ পাওনা এদরে আড়িশ 

আর অকয়াঃ দ সৗবৗস ।

অকয়াঃ লাঁদারে সিবিল মেনাঃ 

অকয়াঃ উকুরে ছুরি 

অক্ত নাপিত অকেয়ে উদুগ 

ভাঁওতা বাহাদুরি ।

রাজ ক হিজুঃ রাজ ক চালাঃ

আম আর ইঞ ত প্রজা 

ঝান্ডা গঃ গে হুয়ুঃ তালাং 

সুক দ আলম খজ আ ।

রাজ বদল রেন কারিগর ত 

আলাং বানাহড় 

এনহঁ জুড়ু অৗদৗই লাগিৎ 

সারি আলম রড় ।

সারি কাথাম রড় আকাৎ সে 

রাজ আঃ লুঁডুঃ মেৎ 

জুলুঃ সেঁগেল বারাবারি 

তেরাং অঃ আম সেৎ ।

রাপাগঃ আম তরজঃ আম 

থল কুল বাম ঞাম

মেৎ দাঃতেম তুপুন রেহঁ 

রেহায় বানুঃ তাম ।

উন দ পাচেৎ হাসা লাতার 

ঞামঃ তামা কংকাল 

“সারি ধরম -সত্য ধর্ম “

রাজ কঠেন দ আকাল ।

আমদ সুধু ঝান্ডা গগ মে 

লৗইমে সুধু শ্লোগান 

অনা বাদাল তে চপজ মে হো 

জা গে ঞামঃ কান ।

কুহড়ৗ ঞুতৗত আরহঁ জাসতি 

গাড়ধ হিজনঃ কানা 

রাজ রাজ ক তুপুৎ তাপাম 

উদৗর কক গুজুঃ কানা ।।

অনলিয়ৗ:-R.k.Murmu