Santali Onorhe হুডি চেঁড়ে আর গিদরৗ

      

santali onorhe

গিদরৗ :- 

হুডিঞ চেঁড়ে ইঞ সোরতে হিজুঃ মেসে দেলা, 

মেঁৎ তিরপিৎ নাপায় চঁহট হড়ম তামেঞ ঞেলা। আমাঃ সেবেল রড়েঞ আজম লাগিৎ মনে গুঁজরাঃ সপঃ রড়ঃ উইহৗরেদাঞ চিকৗতে দ নিউরাঃ ? 

চেঁড়ে :- 

আম্‌দ এড়ং মানওয়া হপন চেদা চিগৗরিঞাম ? বেলে বুসৗঃ হপন কানাঞ আল চকাঃ আঞাম। ধীরতি পেরেচ আডি রকম জিয়ৗলিক খনাঃ 

চলন খোলোন মাহিম তেদ মানমী গেক গুণাঃ। 

গিদরী :- 

ইঞ ঠেন গেম্ তাঁহেন রেদঞ এমাম সনাখাঞ্চা বৗগিয়াতে হিজুঃ মেসে অনা দারে টঞ্চা। 

আডি সুকরে দহমিয়াঞ আমদ গাতে লেকা 

জমাঃ ঞুয়াঃ আমেঞ এমাম তওয়া তুলুচ্ দাকা৷ 

চেঁড়ে :- 

বাংআ ভায়রে বাং আতিজ্ঞা বৗগিয়াতে দারে 

আডি সুকতে নন্ডে মিনৗঞ নাড়ী বাখোল করে। দেশ দিসমিঞ দাঁড়া বাড়ায় বির বুরুরে মিনাঞ 

বাহা রাসা চপচ্ কাতে জিউয়ি জগাও এদাঞ। 

গিদরী :- 

আমদ অডি হুডিঞ গেয়াম অনকা আলম রেঁড়া কোঁচোদরে বাম ঞরুঃ লাগিৎ এমাম কানাঞ সেঁড়া।

বুরু পারম কুচিৎ মুলুক সেনঃ রেদম সাগিঞ অকয়ামে আচুর মেয়া পারম মেয়ায় গাতিঞ ? 

চেঁড়ে:- 

এ বয়হা! বৗঞ একলা চাঁদো মেনায় সাঁওরে 

সানাম পাড়া আয়ুরিঞায় উনি বোগে ঠাওরে। 

ইঞাঃ অকা লড়া দুরিব অনা যোগাও অঞায় 

বিপদ খনাঃ তরাও কাতে নাপায় দহয়িঞায়।

writing by:- sadhuramchand  Murmu