তাঁঙ্গি

Santali shayari

কিয়ৗ ঝারনা ডৗডি কুঞ দাঃরে 

উমুলেঞ ঞেললেদা দাঃ আরসিরে 

বাং দ বঙ্গা বাং দ মানমী নিঝুম তিকিন অক্তরে।

উইহৗর লিদৗঞ মৗড়ৗহা আমাঃ 

রিকৗ লেদাঞ ঠৗওকৗ লৗগিদ আমাঃ 

ঠিলি দাঃ রেঞ ঞেলকেদা নআদ নিহৗত কানা আমাঃ ।

অকারেচ মেনাম তিঞ সারি 

হিজুঃ মেসে ইঞিজ দুলৗড় জুরি 

কাদার খাং মনে ইঞাঃ রেয়াড় মেসে মাইরী ।

ফাগুন রেয়াঃ কুয়শি রাহাতে 

হিজু মেসে দারে বাহা শতে 

ইদিঞ মেসে রড়াঞ মেরে চেঁড়ে রাহাতে ।

বাহা বাহাতে দারে পেরেজ এন 

জ-জতে ডৗর লেওয়েদ এন 

তাঁঙ্গি তাঁঙ্গিতেঞ লাঁঙ্গা সায়েন বাচম সেটের লেন ।

ফাগুন চাঁদো রেয়াঃ তিকিন অক্তরে 

নিচল নিঝুম সাড়ে বানুঃ আরে 

সাঁড়া সাতিঞ বুঝৗঃ কানা ফাগুন রেয়াঃ তিকিন অক্তরে ।

হেলকাঃ কানা ডৗডি কুঞ দাঃ 

উইহৗর মনে ইঞাঃ আঁদ মাঁদাঃ 

কড়াম অড়েজ লেকা ইঞাঃ জিউী মনে খাদ খাদাঃ ।

এগো ইঞিজ মিদ কিতৗ 

হিজুঃ মেসে দুলৗড় জিতৗ 

পেরেজ ঠিলি দড়ম কাতে হহয়েদাঞ খৗলি মিতৗ মিতৗ ।

বঙ্গা খানদ সাহাঃ মে মা 

আম খন দ সামাং অঃ মে মা 

দুখৗলি মনে আলম ডিগ রিঞা সদর সামাং অঃ মে মা ।

হিসিদ হয়তে রাহা কম 

দারে সাকাম তারকোঃ তামা 

কুলিলেদ কওয়াঞ হয় দারে সাকাম বানু আনা বেওরা কমা 

রিকৗলেদাঞ উনুম গুজুঃ 

মনেয় লৗয়েদ পাছেম হিজুঃ 

আম তাঁগিরে ঠিলি দাঃ হঁ কিকিড় বিঞ এন এহব এনক তিজু ।

অকয় রাড়াঞ দুলৗড় তলখন ।

বাচম সাহাঃ ইঞাঃ মনে খন 

চিকৗঞ সাহাঃ ক লাঠা চারা চোটো লেকা দুলৗড় তলখন ।।

অনলিয়ৗ:- উশৗদ কুছু