সাঁওতা অৗন অৗরি লেকাতে তিরি পুরুষ বাপাগঃ রেয়াঃ নেয়াম !

সান্তাড় হড় ক মুদরে বাপ্লা কাতে সে জুরি জতা তিরি পুরুষ বাংক ও পোৎ শোন রেদ উনকু দক বাপাগ্ কাকওয়া । বানার আতোরেন মাঝি মাপাজি ক দুপুড়ব কাতে সালা গটায়া ক উনকিন বাপাগঃ কান কিন কড়া কড়ী কিনাঃ কৗই গুনহৗ । আর অৗকিনাঃ অনা কৗই গুনহৗ যখা কাতে রায়দ‌ এম গঃ আ । অনা কদ নঃ অ নংকা কুড়ি পাহাটরে কৗই ঞাম লেখান উনদ‌ গনং সিদি রুয়ৗড়ঃ হুয়ঃ আ । বাপ্লারে যাগে খরচ লেন সানামাঃ কুড়ি অড়াঃ রেন হড়ক এম রুয়ৗড় হুয়ঃ তাকওয়া ,আর  অনা দক লৗই আকাৎ আ চারেচ হঁ চারেচ ক অৗদৗয় কওয়া । সুলুক তে এম রুওয়ৗড় বাংক রেবেন লেনখান বানার আতোরেন সানাম হড়তে উনি সে উনকু দক একলা কওয়া । আর জোরতে গনং ক সিদি রুওয়ৗড়া । সুলুক তেক এপেম চাপাল লেনখান সাকাম অড়েচ কৗমি তালাতে উন কিন দক বাপাগ্ কৗকিনা অনকাগে কড়া পাহাটারে কৗই ঞাম লেনখান উনি বৗগিয়েকোন এ্য কুড়ি হপন দ জেওয়েৎ ভূর এ্য জম অৗসুল দাড়েয়াঃ মা অনকা লেকা খরচ এম হুয়ুঃ তায়া । মিৎ কাথাতে আজাঃ অর্জ সে সম্পত্তি রেনাঃ তারা বাখরা উনি বৗগিয়েকান কুড়ি হপন এ ঞাম । অনা গেক লৗই আকাত‌ আ তারা চাল অটাঃ দ । সাঁওতে মিৎ আঁড়ার ডাংরা মিৎ বাঁদি হোড়ো আর মিৎটাং সাগাড় গাড়ি এমঃ হুয়ুঃ আ ।  নওয়াহঁ লৗই তাঁহেন কানা তায়মতে উনি তির্লৗ হপন এটাঃ রে গং লেখান আদ‌ অনা ক অৗইদৗর খন দ‌ উনিদয় পুচুজঃ আ (অর্জ সে সম্পোত্তি রেনাঃ বাখরা ঞাম খন ) ।