Santali Somaj reyak Katha//মঁড়ে হড়দ অকয় ? মড়ে হড় আ কামিকদ চেদ ক?

                                      

আতোরেন মঁড়ে হড় ক

নওয়া ধারতীরে জৗত লেকাতে বাঞ্চাও তাঁহেন হোয়োঃ খান মিৎটাং মানমী আঃ যাঁহা দ একাল লাকতি আ যেলেকা, —আলাক ধরম , আলাক সাঁওতা , আলাক লায়লাকচার ,এনেচ , সেরেঞ ,‌অলঃ পাড়হাও অৗনআরি পারসি সাঁওহেদ চিকি । আচার বেওহার নওয়া বাং তাঁহেন খান মিৎটাং জৗত বায় হারা রাকাব দাড়েয়া আঃ সাঁওতা কাথাদ সাঁওতে খনগে 

হেজ আকানা । সাঁওতে তাঁহে কাতে ভাগে কামী  করাও তালাতে সাঁওতা রেয়াঃ কামী হরা ক তরাও রাকাব চালাঃ আ । সাঁওতা রেয়াঃ সানাম লেকান অয়ার রাকাব লাগিদ তে যাঁহায় কঠেন লাদে মেনাঃ আ অনাকগে লাতাররে অলসদর এনা ।

১/মাঝি বাবা ২/জগ মাঝি ৩/গোডেৎ ৪/নায়কে ৫/কুডৗম নায়কে ৬/পারানিক ৭/জগ পারানিক ৮/দিশম মাঝি ৯/দিশম পারানিক ১০/মাপজি ১১/দেশ কোটল নুকুঞুম হালাং আকান বাবধন কওয়াঃউপরুম সাঁওতে উনকুওয়া কামী কাজ চেদ দেচ‌ কান তাকোওয়া অনাক বার পেকাথাতে অল সদর এনা ।

মাঝি বাবা:-

মাঝি গেয় হয়োঃ কানায় আতো রিনিজ গৗলিম দ । হানে পাহিল খন মাঃ ফারচা কাতে মাঝিগে আতো দয় থাপন লেত কানা । অনাতে আতোরেন সানাম হড়াঃ সানাম লেকানাঃ বুগি বাড়িচরেনা লালচিকদ লাহাদ মাঝি বাবাঠেন গে সেটেরঃ আ । উনি আতো রিনিচ খাম খুন্টি দ কানায় আতো গাতলা সানাম হড়াঃ বুগিতাম বাড়িজতাম য তনাঃ 

গে উনিয়াঃ বাপডোর রেদ তাঁহেন গেয়া ।

জগ মাঝি :-

জগ মাঝি দয় হোয়োঃ কানা আতো রেন ডৗঙ্গয়ৗ কড়া গিদরৗ কুড়ি গিদরৗ কুয়িচ পাহারা । আতোরেন ডৗগুয়ৗ কড়া গিদরৗ কুড়ি গিদরৗ ক উনিদয় গুপিয়েৎ কোওয়া । পরব পাতা ঞেঞেল পিয়ৗরে উনিগে আবোরেন কড়া গিদরৗ কুড়ি গিদরৗ কচিয় দ কাড়মী  লেকাতে তাহেনায় । বিহৗ বাপলা সানাম লেকানাঃ কামি হরাক অৗওরি ইদি জগ মাঝিয়াঃ গে কামি কানা । সিঞ সাকরাত হিলোঃ তারাসিঞ বেড়া ভেঝা বিদকামিদ জগ মাঝিয়াঃ গে কানা ।

গোডেৎ :-

সাঁওতারে গোডেৎ আঃ কামিদ হুয়ুকানা আতোরে যাঁহানাঃ বিচার -আচার বিহৗ বাপলা আতোরেনাঃ বঙ্গাবুরু কামকরে আতোরেন সানাম হড়ক হহ জাওরা আতোরেন হড় সে গাঁওলাক যাঁহানাঃ কাথাগে মাঝি বাবা ক লৗই ভিড়ৗও আয়া আর মাঝি বাবাদ অনাক খাতর আতোরেন সানাম হড় হহ মিৎক লাগিৎতে গোডেৎ এ ঠেন এয়া । বঙ্গাঃবুরু চাঁদা ভেদাঃ সিমবুসৗঃ হাঁড়ি চাওলে আদৗয় কামি কদ  গোডেৎ আঃ গে কানা ।

নায়কে:-

আতো রিনিচ‌ নয়কেদ‌ উনি গেক মেতায় কানা যাঁহায় দ আতোরেন বঙ্গাবুরু কয় দেবাসেবা কওয়া । আতো গাঁতলা রেনাঃ সানাম লেকানাঃ বঙ্গা বুরু কৗমিদ উনিগেয় কামিআ । উনিয়া তিতেগে দিশম বঙ্গাকক পেরেজঃ আ । বিহৗ বাপলারে  সুনুম সাসাং নায়কেগে বঙ্গায়ায় মিদ কাথাতে মঁড়ে হড় লেকাতে সে উনকু গাঁওলা ক আতে  বঙ্গাবুরুক রেনাঃ কামিদ আতো রিনচ নায়কে আঃ গে কানা ।

                                        

আতোরেন মঁড়ে হড় ক

কুডৗম নায়কে :– 

সাঁওতারে বঙ্গাবুরু অক্ত আরহঁ মিৎটাং হড় এ লাগাঃ আ উনিদক মেতায় কানা কুডৗম নায়কে । নুইদ এটাঃ আতুরিনিচ হঁ হুয় দাড়েয়া আয় । নুইদ হ-হ কাতে হঁক বঙ্গা হচয়ে গেয়া । নুইদ বুল মায়াম এ চাহাও । নুইয়া তিতেদ সীমা বঙ্গা আর সেঁদরা বঙ্গা কিন মানতঃ আ । সেদরা বঙ্গা যাঁহায় এ মানত এয়্যা উনিদ দিহরী হঁক মেতায় গেয়া । মেনখান যাঁহায় বুল মায়াম এ্য চালাও আ উনিয়ৗ তিতেদ জাহের বঙ্গা দেবাসেবা দ বাং গানঃ আ ।

পারানিক:- আতোরেনাঃ কৗইজৗ খৗপৗরী ,বিচার-আচার, বঙ্গা-বুরু যাঁহানাঃ করেগে সিজৗও কঃ আনাটক সহলেলৗগিৎ বুগিবাড়িচ রেনাঃ দিশৗ মে কাতে নাপায় অকচতে পারম ইদিয়ানিচ হড় যাঁহায় উনিগে ক মেতায় কানা আতো রিনিচ পারাণিক দ । আতোরেনাঃ বুগিয়া যুদৗ নাপায়তে লাহান্তি । ইদি লৗগিৎ দ পারাণিক সাঁওগেয় গালাচ আ মাঝি বাং এ্য তাঁহেনরেদ পারাণিক গে উনিয়াঃ ঠাঁওরেয় কৗমি দাড়েয়া ।

জগ পারাণিক :-জগ পারাণিক দ জগ মাঝি রেন গঃড়য়িচ‌ আর জগ মাঝি বায় তাহেন জখেচ জগ পারাণিক দ জগ মাঝিয়াঃ এ চালাও আ ।।