পঞ্চবটী 

 বাপ্লা বাহু দুলৗড় কাসাঃ 

টান্ডি দুলৗড়েম লাসাঃ !

অড়াঃ দুয়ৗর বাগি কাতে 

হাঁন্ডে নাঁন্ডেম বাসাঃ ! 

বাপ্লা বাহুদয় বাতোল গেয়া 

ওকো বাহু রেগে দায়া 

নিচড়ৗ চোতোৎ রয়পৎ বাবুদ 

অকয় মানা মেয়া ?? 

Santali traditional shayari

জিনিস পাতি গনং বিশীঃ 

কাউডি রেনাঃ দ বাং 

রাজ অৗরিগে সরেশ সারি 

মানমী জীয়ন দ বাং 

মাপাঃ গপজ সিবড় সাবাড় 

গনতন্ত্র চিতৗর ! 

লালচ লাসি লাসরাঃ কানা 

মানমী মনে ভিতৗর ।। 

Santali traditional shayari

চাষদিন রেহঁ বাম হেজলেন 

বিদেশ রেগেম তাঁহেন ।

গানঃ সাজাঃ হড় বেগর 

মুনিসঃ বাক রেবেন !! 

অক্ত রেগে ঝতম কেদার 

রহয় এদাঞ দে দার । 

খেত পেরেচ হোড়ো ঞেলতে 

বাম বুজৗত বেজার !! 

অলঃ সেঁড়া ষাঁড়ঃ পে 

আলপে তাঁহেন কুডু 

আকিল দরয়া মুডু !!

দিল কাতে ধারতী সানাম 

পৗউড়ি সুগুম সুগুম 

লুয়ৗটাঃ পে হাপইকড়ুম 

হড়াঃ সিডৗং হুকুম ।।

Santali traditional shayari

হপন মৗই এ লৗলৗই কান 

পারবন দারায় কান ।

আডাম ছাডাম চেদাঃ ভালা 

দাঁড়ান সানাঞ কান !!

নেশদ তবে চালাঃ গিয়ৗঞ 

ইঞদ পাটাবিন্ধৗ ।

পিছৗ তেহঁ এনা মুগী 

বাপে ঞামেঞ ঞিদৗ !! 

অনলিয়ৗ:-মিস্টার ঠুঁগু