সান্তাড় সাঁওতারে ভাঁন্ডান আর তেল নাহান 

Vandan binti , binti sereng

আব সান্তাড় সামাজ রে যাহা আতো যাহা পারিশ রেন হড় ক গজ লেন খান উনকুওয়াঃ আতো সাঁওতে উনকু পারিশ রেন হড়াঃ আর আকওয়াঃ অড়াঃ হঁ ছুয়ৗৎ আকানা মেন তেবন বাতাও কানা । আর অনা ছুৎ রফায় লাগিৎ তে বার লেকানা কামি বন কামিয়েৎ কানা ।(১) গজ আকান হড় মাড় ঘাটিতে ইদি (রেনাঃ বাং খান তোপা) (২) তেল নাহান (উম আদের স্যে উমুল আগু) মেন খান নওয়া ক কামি কাতেৎ রেহঁবারয়া কামি তাহেন কান গেয়া অনা দঃ 

(১)হর স্যে নৗই গাডা

জাংবাহা বহেল । (২)ভান্ডান নওয়া কিন বারুয়া কামি দ গজ আকান হিলাঃ খনাঃ গেল মিৎ মাহা মাড়াং দ বাং ক কমিয়া । মেনখান গেল মিৎ মাহা খন এতহব কাতেৎ গেল বার সেরমা মুদরে নওয়া কামি দ একাল করাও গে লৗকতি কানা । অনাতে গুর আকান হড়াঃ ঞুতুম তে মুচৗৎ কামিদ ভান্ডান (৪)পোন হাটিঞ রেগে বন হাটিঞ দাড়েয়া ।

মাড় ঘাটি :- আবওয়া সমাজ রে হড় ক গচ লেন খান মাড় ঘাটিতে ইদি কাতেৎ বন তপা আর বাং খান বন রাপাঃ এ্য কোওয়া । অনা রেহঁ নাওয়া তে জানাম আকান গিদরৗ যাঁহায় ছৗটয়ৗর কামি বাং হোয় আকানা আর পেরেচ হড়ম আকান কুড়ি গিদরৗ কদ আর আয়ো রুওয়ৗতে গচ মাকান কদ একাল তেবন তোপায়েৎ কোওয়া ।নুকু ক মুদ রে বাং ছৗটয়ৗর আকানা গিদরৗ কদ নৗই ধাড়ে গাডা ধারে বুরু ধারে এমান করে বন তোপায়েত কওয়া (মিৎ কাথাতে নিজেরা জায়গা রে বাং কাতে )। আর এটাঃ আতে যেমন বিঞ গেরতে গচ আকান হড় কদ লিগিম দাঃ রে কায়রা ঢঙ্গা তেবন বহলে গৎ কাক কানা । নুকু ক মুদরে বাং ছৗটিয়ৗর আকান গিদরৗ কওয়া তেল নাহান ঝৗল হর ভান্ডান এমান কামি বাং ক রাঃ কানা । 

আবওয়াঃ সমাজ রে যাঁহায় হড় যুদি এটাঃ আতো রেয় গজ এনা এনখান উনি হড় দ আজাঃ আতো তে আগু কাতে আকওয়া মাড় ঘাটিতে ক ইদিয়া । আর বাং খান যাহা আতু রেয় গজ আকান অনা আতো রেনাঃ মাড় ঘাটি রেনাঃ জায়গা হাতাও কাতেৎ উনি দক তোপায়ে বাংখান রাপা গে । মেনখান উনি ঞুতুম তে বাকি কামি কাজ সানাম আজাঃ অড়াঃ আতো রেগে হোয়োঃ আ ।

(২)জাং বাহা:-

আর সেরওয়া রেনাঃ কাথা লেকাতে জাংবাহা দ কুলহি মুচৗতে আর বাংখান মাৎকম বুটৗ /সারজম বুটৗ করে বন তোপা হটঃ কাক কানা । আর সানাম কগে তোপো কাতেৎ ধুড়ৗ আতার রেনাঃ ধুয়ৗ রে সেকাও কাতেৎ গুরিচ দাঃ তিরপি কাতেৎ অড়াঃ তেবন রুয়ৗর আ । 

(৩)তেল নাহান:-

মানমি ক গজ লেন খান গজ আকান পারিশ রেন হড় কওয়াঃ সালাম সিঁন্দুর আর আয়মা সাগুন কামি ক আর বঙ্গা বুরুক কামি বাং গান আ ।অনাক কামি চলতঃ মা মেনতে যাহা কামি বন কামি কানা অনাকামি গে তেল নাহান বন মেতাঃ কানা । 

নওয়া কামিদ গজ আকান হিলাঃ খন পে মাহা মুদরে কামি করাও হুয়ু আ । নওয়া কামি রেদ পৌইলো তে গজ আকান হড়াঃ পারিশ রেন হড় ক তোপা অৗগুকাতেৎ গজ আকান হড়াঃ অড়াঃ রে উনিয়া উমুল আগু উম আদের আগু আর বেড়া হাসুর ঞুতুঃ অক্তে কুহলি মুচৗত দবটিখন উনিয়াঃ ইমুল ক আগুয়া উমুল আগু পরেদ ভাট বুস্টম কিন বেনাও আকাৎ দাকা উতু আর সুনুম সাসাং চলৎ লাগাঃ অনা অৗশ দাকা আর কুস রেহেৎ রেনাঃ রিৎগুডৗ সাঁওতে সুনুম উনকু গজ আকান পারসি রেন হড়ক ক জটেৎ আক কানা । অনাতে তেলনাহান হোয় লেনখান উনকু পারিস রেন হড় ক সুনুম সাসাংক লাগাও দাড়েয়াঃ আ । নওয়া ক কামি দ সাসামাঃ ভাট বুস্টম দারায় তোকে তরাও হিজুঃকানা ।

মানমি গুজুঃহিলোঃ আর বাংখান পে মাহা ভিতিররে মিৎ দিনরে নওয়া কামি হোয়োঃ আ । এনখান গজ আকান পারিশ রেন হড়াঃ কিচ‌ রিৎ ক তরজ আনতে ভাট বুস্টম কি তিকি স্যে কিন সবৎ আগুয়া। আর গজ আকান পারশরে হড় কিন হয়ঃ জুলুপ কওয়া আর অনা তোপো আকান জাংবাহা রে সাসাং দাঃ ক দুল আক । অনা কামি লেখান আব সমাজ রে পৗতয়ৗও মেনাঃ আ যে অনা জাংবাহা দ গেল বার সের্মা হাবজি নিফুট নিলৗ তাহেনা অনা কামি পরে দ আকওয়া পারিশ রে সাগুন কামি মেনদ বাপ্লা বিহৗ ছুৎ ছৗটয়ৗর এমান ক কামি গানঃ আ ।

(৪)ঝৗল হর:- 

লাহা তে জাতিদহ আকাৎ জাং বাহা গয়া গঙ্গাঘাটতে আতু হটকাঃ রেনাঃ কামি রে যাহা জেলিঞ হর বন তাড়ামা অনাগে বন মেতাঃ ঝৗল হর স্যে নৗই গাডা দ ।