সিধু কানহু তাকিনাঃ পাসি 

sidu kanhu

 ১৮৫৫-১৯ সে আগষ্ট মুনয়ৗ মাঝিয়াঃ বিশ্বাস ঘাতক তে সিধুয়ে সাব এনা । মুনিয়ৗ মাঝি আর ভগন মাঝি তাকিনাঃ গড় সপহ্ধ তে মেজর সরকার সিধুয়ে বুন্দি কেদেয়া ।

১৮৫৫-৫ ডিসেম্বর ভাগলপুর রে সেসন জরজ সিধু মুরমু আঃ বিচৗর লাগিদ সদর আদালত তে কাথায় কোলকেদা । লেফটেনানট গভরনর হেলিডে সাহেব সিধু পাসিয়ে লাগিদ এ হুকুম কেদা । আরহঁয় হুকুম কেদা মহেস লাল দারোগা জাঁহা জায়গারেক গজ লেদে অঁডে ইদি কাতে পাসিয়েপে আর পাসি খবর দিশম রেক পাসনাও মা ।

১৭৫৫-৩০ সে নভেম্বর কানহু হঁ সরকার সাতবেহড় বুরু খন আজরেন কতেক ফৗদ আন্তে হাজারিবাগ রেয়াঃ পরেসনাথ বুরু সেদ চালাঃ জখেন আজ বকত চাঁদ আর ভৈয়রব সাঁওতে ঞাপামঃ এ মহডায়েনা খনা জারোয়া সিং ঞুতুমান মিৎ হড়াঃ চিগলিতে জামতাড়া উত্তর নাখা উপর বাঁধরে কানহু দক সাব কেদেয়া আর অঁডে খন কানহু দক চালান কেদেয়া ।

১৮৫৫-১লা ডিসেম্বর খন ৫ ডিসেম্বর হাবিচ মঁড়ে দিন কানহু দ রানীগঞ্জ রেক দহ লেদেয়া আর অঁডে খন সিওড়ী তেক ইদি কেদেয়া । বীরভূম রেন মেজিসরেট মেজর জেনারেল লয়েড সাহেবাঃ তি রে ক জিমৗ কেদেয়া । ইনৗ কাতেদ  MARTIAL রেয়া সরত লেকাতে কানহু দক জিমৗ উচৗড় কেদেয়া মেজর জেনারেল ইডেন সাহেবাঃ তিরে ।

উনরে কানহু ইদি কাতে ক অল কেদা Kanhoo one of the rebel Santalchieft has been brought into Raneegunge having been caught and given up by some natives his arms pinined and bound with strong ropesm he is said to be a better loking fellow then most of the santhal are and has a bold and very indepensent manner has informed that his brother had been hanged and there was very probability of his sharing that some fate appeared quite indifferent and said that he did not vare about it (The Bengal Harkara 5/12/1855) .

১৮৫৫-১০ ডিসেম্বর জুড়িসীয়াস প্রসিডিং -১৩২ নং রেক অল কেদা কানহু দ কানায় মিৎ রাজ দ্রোহি লুনঠনকারি আর অত্যাচারী আর মানিক রায় রেন হত্যাকারী ।

১৮৫৬- ১৪,১৫,১৬ জানুয়ারি পেনে দিন স্পেশাল কমিশনার এলিয়ট সাহেবাঃ ইজলাসরে কানহু আঃ বিচৗর হুয়েনা । ১৮৫৬ সাল ২১ সে জানুয়ারি এলিয়ট সাহেব দ কানহু আঃ মৃতুদিবস এ হুকুম কেদা । আরহঁয় হুকুম কেদা  “ভগনাডি টাঁডিরে জাঁহা ঠেন খন” বিদ্রহো  এহব লেন অঁডে খন দক পাসিয়েমা ।

এলিয়ট সাহেবাঃ হুকুম কামি পুরৗও লাগিৎ বিচকম কানহু পাসি গজ কামি পুরৗও লাগিৎ তে ভার এ ঞাম কেদা লেফটেনান্ট হেডলি সাহেব । নুয় সাহেবাঃ কুরুমুটুতে ভগনাডি টাঁডিরে ইদি কাতে কানহু দক পাসি গজ কেদেয়া তারাসিঞ বেলা ২ বাজাঃ অক্তে আর পাসি কাঠরে প্রায় চল্লিশ মিনিট আকা গেক দহ লেদেয়া । কানহু আঃ গজ হড়ম আজরেন বংশ সে পেড়া হড় হঁ বাংক এমাওয়াদ কওয়া ।

বাং দক দহন কেদে বাং দক তপা কেদে বাং দক গিডি কাদে চেৎ সাবুদ গে আর বাং ঞাম লেনা । মেনখান দিশম হড়াঃ অন্তর তালারে সিধু – কানহু দকিন গাথাও তাঁহেয়েনা ।।