মান্ডি আর কিস্কু  পারিশ দ চেদাঃ বাক গাপানা?                               

bera rakab

গেল বার পারিশ মুদরে মান্ডি কিসৗড় আর কিস্কু রাপাজ কওয়াঃ বাপ্লা দ বাং গানঃ রেনাঃ কাথা মাঝি রামদাস টুডু অল আকাৎ খেরওয়াল বংশ ধরম পুথি লেকাতে সেদায় যুগ রে মান্ডি কিষাড় অড়াঃ রে কিস্কু রাপাজ ক নৗইহার লেদা অকা লেকা ঘটনা খাতির চং কিস্কু রাপাজ করেন বাহুদ আজাঃ জানাম আতো তেয় ঞৗর লেনা । আয়মা দিন গত তায়ম কিস্কু রাপাজ দ আক রেন সাদমতে পাজায় চালাও কাতেৎ বার সিঞ পে মাহা পরে হঁ আজ ইচ এরাৎ তেৎ দ আজ সাও বাংক ভেজায়ে কানা । বরং ক মেতাদেয়া একাল রুয়ৗড় জং মে আর মান্ডি কিষাড় দ চাষ কামিরেক ধুরৗও এনা । অনকান অক্তরে আকরেন জাওয়ায় গংকেৎ কিস্কু রাপাজ দ আজিচ সাদম দয় লেদা জরা গেতায় খাতির আজিচ সাদম দ বাগি হট কাতেৎ মান্ডি কিষাড় করেন সাদম ইদি কাতেৎ আক অড়াঃ সেনঃ কান তাঁহেৎ অন কান অক্তে মান্ডি কিষাড় ক খবর ঞাম কাতেৎ আকয়িচ সাদম দুঃ দহয়ে লাগিৎ তে তালা হররেক ঘেরাও কেদেয় খান গে কিস্কু রাপাজ দ সাদম বাগি কাতেৎ । দৗড় কেদায় আক অড়াতে চালাও কাতেৎ আকরেন সরেন সিপৗহি কয় মেতাৎ কওয়া যে কাথাজ মান্ডি কিষাড় ক সাদম ক রেজ আকাদিঞা অনা কাথা আজম কাতেৎ সরেন সিপৗহি রাপাজ সাদম দুঃদহ লাগন তেক রেলাও এনা ।

sagen setag

মান্ডি কিষাড় কহ আকরেন সাদম শাওতি কাতেৎ আকরেন জাওয়ায় গংকে তাকওয়াঃ রাগি সাদম চেতান রেক ঝাড়াও লাগান তে সাদম ক দালেকান তাহে কানা । অনা অক্তরে রাপাজ সাদম দ তল তপাঃ কাতেৎ দৗড় কেদা হর হরতে আর মান্ডি কিষাড় কদ আক রেন আর মিৎ জাওয়ায় গংকে হাঁসদা হড় অনাতে পাঁজা তিয়োগে কান অক্তে মারাংবরু বাবা ঈশ্বরাঃ দায়াতে উনি সাদম দ কুড়িৎ এ বেনাও এনা । আর চটতেয় উডৗও কাতেৎ সাদম লেকাগে রাঃ সাডে লেৎ অক্তে অনা জায়গারে সরেন সিপৗহি কহঁ অনা রাঃ আজম কাতেৎ অনা ঠাঁও ক সেটের লেনা । মেনখান সাদম দ বাংক ঞাম লেদেয়া । ঞাম কেদেয়াক মান্ডি কিষাড় করেন আর মিৎ টাং জাওয়ায় গংকে হাঁসদা হড় মেনেৎ উনিদ কিস্কু রাপাজ করেন সরেন সিপৗহি ঞেলতে মান্ডি কিষৗড় ক ক দৗড় বাগি হট তাদে বাহেৎ কানা । সরেন সিপৗহি ক সাদম বাংক ক ঞাম লেদে খাতির উনি হাঁসদা হড় গেক মাঃ গজ কেদেয়া আর অড়াঃ তেক রুওয়ৗড় এনা ।

আডিদিন তায়নম উনি রাপাজ সাদম এ কুড়িৎ আকান চেড়ে দ অনা হর ধারে রেনাঃ লেফেজ তেড়েল দারে চটরে মান্ডি কিষৗড় কওয়াঃ অড়্গম ইসি আড়াল ক আন্তে তুকৗয় বেনাও কেদা অনা রাগিতে উনি হাঁসদা হড় রেন বকৎ কড়া আড়গম চিরিৎ তোৎ তেয় তুঞ গজ কেদেয়া নংকান এপেড় হেড়েচ খাতির নিত হঁ মান্ডি কিষৗড় আর কিস্কু রাপাজ কহঁ আবওয়া সাঁওতা রে বাংক বাপ্লা স্যে বাংক পেড়াঃ আঃ স্যে বাংক গাপানা ।